Sh. H. Usanov, M. X. Tinibekov harbiy toksikologiya

Nazorat savollari

1. Oziq-ovqat mahsulotlaridan qachon, qanday tartibda namuna olinadi? 

2. Oziq-ovqat mahsulotlarining yaroqliligi haqida qanday xulosa qilinadi? 

3.  Qanday  oziq-ovqat  mahsulotlarini  iste’molga  tavsiya  etib  bo‘lmaydi? 

4. Suv va oziq-ovqat mahsulotlari qanday degazatsiya qilinadi? 5. Tahlil 

olishda nimalarga e’tibor beriladi?

---

87

15-§. QISMAN VA TO‘LIQ MAXSUS ISHLOV O‘TKAZISH 

QOIDALARI

Zaharli  moddalarning  organizmga  ta’sirini  kamaytirish  yoki 

butunlay  bartaraf  etish  maqsadida  zararlangan  odamlar  sanitar 

ishlovdan  o‘tkaziladi.  Sanitar  ishlov  kiyim-kechak  va  individual 

himoya  vositalarini  dezaktivatsiya  (radioaktiv  moddalarni 

zararsizlantirish),  degazatsiya  (zaharli  moddani  zararsizlantirish) 

yoki  dezinfeksiya  (zararli  mikroblarni  yo‘q  qilish)  qilish  kabi 

tadbirlarni o‘z ichiga oladi. 

Mavjud  shart-sharoit,  zararlanish  darajasi  hamda  tegishli 

vositalarning  mavjudligiga  qarab  sanitar  ishlov  qisman  yoki  to‘liq 

amalga oshirilishi mumkin.

Teriga  tushgan  fosfororganik  zaharli  moddalarning  10–20%, 

iprit va lyuizitning 30% birinchi 5–10 daqiqa davomida organizmga 

so‘riladi.  Shuning  uchun  tananing  zaharli  modda  tekkan  ochiq 

joylarini  birinchi  1–2  daqiqa  ichida  sanitar  ishlovdan  o‘tkazish 

muhim ahamiyatga ega.