Намоз арконлари намозда 12 та фарз бор

Аммо бир неча макруҳлар ҳам ўзга китобларда келибди: 
- садли субдир, яъни насоронийлар киядиган “тойласон” номли кийимига ўхшаш чапонини 
икки билакига чодирдек солиб, енгларини киймай ва этакларини пароканда қўймакдир. 
Лойиқи ушбуки икки енгини кийсин ва боғичларини боғласин. Агар қўйлаги бўлмаса белини 
боғласин ва қўйлаги бўлса белини боғламасин. 
- имом меҳробга ўхшаш бир жойни таҳсис қилмоқлиги, яъни маҳсус қилиб қўймоқлиги 
макруҳдир, фақат қадами саждада ва саждаси тоқда бўлса ёки ўша жойда имомдан ўзга 
қавмдан баъзи кимсалар бўлса макруҳ эмас. 
- коржома, яъни ишга киядиган кийим билан намоз ўқимоқ макруҳ, балки бозорга, тўйга ва 
улуғлар олдига боришда киядиган либос билан ўқигай. 
- олдида, ё икки ёнида, ё ташқи либосида жонли нарсанинг сурати бўлса намоз ўқиш 
макруҳдир. Аммо у сурат ҳаддин кичик бўлса, йироқдан билинмаса, кўрган киши ташҳис 
этолмаса (аниқлай олмаса, ажрата олмаса), боши йўқ бўлса, намоз ўқигувчини оёғи остида ва ё 
орқасида бўлса макруҳ эмас. Ҳам бошига (тепасига) осилган бўлса машойихлар ихтилоф 
қилишган, лекин ишончлиси - макруҳдир. 
- олдида олов бўлса, ё тандирики ичида ўти бор бўлса ва ё ҳоложо (ҳожатхона) бўлса 
макруҳдир. Аммо орасида бир девор бўлса ихтилоф ва агар икки девор бўлса билиттифоқ 
макруҳ эмасдир. Лекин чироқ ёки қандил бўлса макруҳ эмас. 
- намозда оёғини кийсу, яъни пойчаларини йиғмоқ макруҳдир.
- намозда фикр қилиб бир сўзни, ё шеърни, ё хутбани ва ё масалани ёдига келтурмоқ 
макруҳдир, аммо бунда намоз фосид бўлмас. 
- бировни зироати, яъни экинзорида азонсиз намоз ўқимоқ макруҳдир. 
- дирҳами шаръийдин кам нажосат бирла намоз ўқимоқлик макруҳдир. 
- намозда икки китфини (елкасини) барахна этмаклик, яъни яланглаш ва ечиш, худди 
шунингдек бошига чапон ёпмоқ макруҳдир. 
- бировни икки жомаси бўлиб танҳо бир жома билан намоз адо қилса, у ўзига жафо қилибди. 
Имом Муҳаммад рохматуллоҳи алайҳдан ул кишини адолати соқитлигига ривоят бордир. Бас, 
намозни уч либос билан ўқимоқ керакки, бу кийимлар: бош кийим, қимис ва қабодур. 
- бировни масҳи танг бўлса, у билан намоз ўқимоғи макруҳдир, чунки дили ўшанга машғул 
бўлиб қолади. 

---

- талаби бавл ва ғоит бўлган киши намозга кирса макруҳдир. Ва намоз ичида таҳорати танг 
қилса, ҳали вақти намоз бўлса намозини бузиб дилини фориғ этсин ва агар бу ҳол билан 
намозини тамом қилса гуноҳкор бўлур. Магар вақт танг бўлса жоиз. Агар бавл оёқларини 
бичиш қилмаса туролмайдиган даражада қаттиқ ушласа намози асло дуруст эмас. 
- ўн бир ерда намоз ўқимоқ макруҳдир: кассоблар қушхонаси, туя ётган ер, қўй ётган ер, 
сийисхона, бадрафхона ва буларни устида, ҳаммом, гўристон, гузаргоҳ, бири бозор ичи ва 
Каъба устида. 
- фарз намозини коронғида ўқимоқ макруҳдир ва нафл афзалдир. 
- ва бировни юзига қараб намоз ўқимоқ макруҳдир. 
- ҳар намозики кароҳият (макруҳлик) билан адо топса иода қилмоқ (бошқатдан ўқиш, 
қайтариш) мустаҳабдир, балки иодасини ва жавоб берилиши нақл қилинган. Валлоҳи ъалам.