Намоз арконлари намозда 12 та фарз бор

Намозда 23 та мустаҳаб бор 
14 таси умумий 
1. Намозда кўз қири билан ўнг ва чапга қарамаслик. 
2. Эсновни иложи борича қайтариш. Агар у ғолиб келса оғзини қиёмда ўнг қўли билан ва бошқа 
рукнларда чап қўли билан беркитмоқлиги. 
3. Йўтални иложи борича қайтармоқ. 
4. Қироат қилаётганда зам сура уч оятдан зиёд бўлса, сурани охиригача ўқимоқ. 
5. Қироатни тартил (тажвидга риоя қилиб ўқиш) билан ўқимоқ, яъни ҳарфларни махраж (ҳарф 
товушларини чиқадиган жой) ларидан чиқариб, вақф (оятларда тўхташ) ва вусул (оятларни ўз 
ўрнида улаб ўқиш) қоидаларига риоя қилиб ўқимоқ. Бунда ҳарфларни эшитган одам санагудек 
бўлсин. 
6. Рукуъда бошни орқаси билан баробар тутмоқ. Шу тарздаки, коса тўла сув орқасига қўйилса 
тўқилмасин. 
7. Саждага боришда қайси аъзо ерга яқин бўлса, ўша аъзони аввал ерга қўйишлик. 
8. Қайси аъзо ердан узоқ бўлса, ўша аъзони аввал саждадан кўтаришлик. 

---

9. Икки қўл орасига сажда қилмоқ, шу тариқаки ҳар қачон қулоғидан суюқлик келса қўлининг 
устига тушмоғи мумкин бўлсин. 
10. Саждада қўл ва оёқ панжаларини қиблага қаратмоқ. 
11. Намоздан фориғ бўлмай пешона тери ва тупроғини артмаслик. 
12. Қиёмда икки оёғининг ораси тўрт энлик бўлиши. 
13. Қаъдада икки қўлини икки сони узра бармоқларини ўз ҳолича қиблага каратиб, бармоқ 
учларини тиззалари билан баробар қилиб қўймоқ. 
14. Аввал юзни буриб кейин салом бермоқ, юзини бурганда ёноғи кейинги сафдаги одамга 
кўринсин. 
9 таси хос 
1. Такбири тахримада эркаклар бош бармоқларини қулоқ юмшоғига текқизмоқлиги, аёллар эса 
қўлларини елкаси баробарича кутармоқлари. 
2. Қиёмда эркаклар қўлларини боғлаб, киндик остига қўймоқлиги, аёллар эса кўкрак устига 
қўймоқлиги. 
3. Эркаклар қўлларини енгларидан чиқармоқлиги, аёллар эса аксинча, қўлларини енгларидан 
чиқармасликлари. 
4. Имом ва ёлғиз ўқувчи муқим (сафарда бўлмаган киши) бўлсалар бомдод ва пешин 
намозларига "Сураи Хужарот"дан то "Сураи Буруж"гача (яъни "Туволи муфассал" ни), аср ва 
хуфтон намозларига "Сураи Буруж"дан то "Сураи Ламякун"гача (яъни "Ақоти муфассал"ни) ва 
шом намозларида "Сураи Ламякун"дан то "Сураи Нас"гача ("Қисори муфассал"ни) ўқимоқлари. 
Бунда албатта қавм (имомни орқасидан эргашадиган кишилар)нинг рағбати инобатга олинади. 
5. Ёлғиз намоз ўқувчи рукуъ ва сажда тасбеҳларини учдан зиёд ва ток айтмоқлиги. 
6. Рукуъда эркаклар тиззаларини қорнидан, қорнини сонларидан, сонларини пойчаларидан, 
пойчасини ердан йироқ тутмоқлиги, аёллар эса бунинг аксини, яъни мазкур аъзоларини бир-
бирига ёпиштириб туришлари. 
7. Иккидан зиёд ракатли фарз намозларида икки ракатдан кейинги ракатларга "Сураи 
Фотиха"ни ўқимоқ. 
8. Имом ва ёлғиз намоз ўқувчи иккидан зиёд ракатли фарз намозларида икки ракатдан кейинги 
ҳар ракатда "Сураи Фотиха"дан олдин "Басмала"ни хуфия ўқимоқлиги. 
9. Масбуқ, яъни намозга кечикиб, аввалги ракатларни топмаган кишининг намоз оҳирида 
имомнинг саломига мунтазир бўлиб турмоқлиги.