Намоз арконлари намозда 12 та фарз бор

---

НАМОЗ АРКОНЛАРИ 
 
Намозда 12 та фарз бор 
6 таси намоз ташқарисида, бунга намоз шартлари ҳам дейилади: 
1. Жисми (оби) пок. Одам танасининг ҳар хил нажосатлардан ва таҳоратсизликдан тоза 
бўлмоқлиги.
2. Жойи пок. Намоз ўқийдиган жойнинг пок бўлиши, агар тоза жой кам бўлса оёқ ости тоза 
бўлиши сажда қиладиган жойнинг тоза бўлишидан афзалдир. 
3. Жомаи пок. Намоз ўқийдиган кийимнинг тоза бўлишлиги. 
4. Вақт. Намоз вақтининг кирмоқлиги. 
5. Қибла. Намоз ўқишда қиблам бўлмиш муқаддас Каъбанинг бир томонига юзландим деб, 
юзланганлигини дилдан қасд қилиш. 
6. Ният. Ёлғиз намоз ўқувчи намозга киришишдан аввал қандай намоз ўқиётганлигини, ўз 
вақтидалигини, Каъбанинг бир томонига юзланганлигини дилидан (қалбидан) ният қилади. 
Бунда тили ҳеч ҳам айланмайди, яъни хуфия (ёнидаги шериги эшитмайдиган даражада 
пичирлаб ўқиш) намозларни ўқишдаги каби пичирламайди ҳам. Агар намоз ўқувчи муқтадий 
(имомга эргашувчи) бўлса, ниятда имомга иқтидо-эргашишликни ҳам ният қилади. 
6 таси намоз ичкарисида, бунга намоз рукнлари ҳам дейилади: 
1. Такбири тахрима (ҳар қандай дунёвий ишни ҳаром қилувчи такбир). Намозга Аллоҳни 
улуғлайдиган лафз (сўз ибораси) билан киришлик. Масалан: "Аллоҳу акбар", "Ла илаҳа 
иллаллоҳ". 
2. Қиём. Икки оёқда қаддини ростлаб тик турмоқ. Қиём фарз намозларда фарз, вожиб 
намозларда вожиб, суннат намозларда суннат ва нафл намозларида мустаҳабдир. 
3. Қироат. Қуръондан ақалли бир узун (мисоли "Оят-ул-Кўрсий") ёки уч қисқа оят (мисоли 
"Сураи Кавсар") ўқимоқ. 
4. Рукъу. Икки қўли билан оёқларининг тиззаларини ушлаб энгашишлик. 
5. Сажда. Оёқ панжалари, икки тизза, икки қўл кафтлари, юз (бурун ва пешонаси) ни ерга 
текқизмоқ. 
6. Қаъдаи охир. Намознинг сўнгги ракатида "Ташаҳҳуд" ("Аттахиййату...") ўқишлик миқдорича 
ўтирмоқ.