1- мавзу: кичик бизнес ва тадбиркорлик фаолиятининг иқтисодий, ижтимоий, ҲУҚУҚий асослари ва давлат томонидан қЎллаб- қувватланиши режа

Тадбиркорлик субъэктларини давлат буюртмаларини бажаришга жалб этиш, 
уларни бажариш учун турли имтиёзлар бериш ва қулайликлар яратиш. 
Ташқи иқтисодий фаолиятни қўллаб-қувватлаш. Бу соҳада ташқи иқтисодий 
фаолият иштирокчиларини рўйхатдан ўтказиш, мазкур фаолиятни ахборот билан 
таъминлаш, мослашувчан солиқлар ва имтиёзлар белгилаш. бошқа молиявий ёрдам 
кўрсатиш, ташқи иқтисодий фаолият билан боғлиқ таваккални суғўрта қилиш, маҳсулотни 
экспорт ва импорт қилиш тартибини белгилаш, ташқи иқтисодий алоқаларини 
ривожлантириш дастурларини ишлаб чиқиш, валюта жамғармалари ва бошқа жамғармалар 
ташкил қилиш ва улардан фойдаланиш тадбирлари назарда тутилган. 
Кичик корхона билан шартномалар тузишга кўмаклашиш. Кичик ва йирик хўжалик 
субъэктларини бир-бирига қарама-қарши қўймасдан, улар бир-бирларини тўлдиришлари, 
маълум соҳада кичик ва йирик корхоналар биргаликда ўзаро узвий боғлиқ ягона мажмуа 
тарзида ишлашлари ва ривожланишлари учун зарур шароитлар яратиш сингари тадбирлар 
амалга оширилиши кўзда тутилади. 
Тадбиркорлик соҳасини мутахассис ва бошқа ходимлар билан таъминлаш. 
Тадбиркорликнинг ахборот-маслаҳат таъминотини ташкил этиш ва амалга ошириш. 
Ўзбекистонда тадбиркорликни қўллаб-қувватлаш ишларини йўлга қўйиш ва амалга 
ошириш мақсадида бир қатор давлат органлари ва нодавлат ташкилотлари тузилган. Ҳар 
бирининг аниқ вазифалари белгилаб қўйилган ҳамда махсус дастурлар ишлаб чиқилган. 
Дастур давлатнинг ҳар томонлама қўллаб-қувватловчи бозор жараёнлари асосида 
Ўзбекистон аҳолисининг ташаббусли, яратувчи кенг табақалари томонидан амалга 
оширилади. 

---

Тадбиркорликни қўллаб-қувватлаш Давлат Дастури қуйидаги тўрт қисмдан иборат. 
1. Бозор инфратузилмасини ҳамда кичик бизнес ва хусусий тадбиркорликни 
ривожлантириш шарт-шароитларини яратиш. 
2. Кичик бизнес ва хусусий тадбиркорликни давлат томонидан қўллаб-қувватлаш чора-
тадбирлари. 
3. Дастурни амалга оширишни молиявий таъминлаш. 
4. Дастурнинг бажарилишини ташкил этиш. 
Мазкур дастурни амалга ошириш мақсадида республикада ва ҳар бир вилоятда ҳарйили 
аниқ чора-тадбирлар мажмуаси ишлаб чиқилади ва белгиланади ҳамда уларнинг 
бажарилиши мониторинг қилиб борилади. 
"Тадбиркорлик 
фаолияти эркинлигининг кафолатлари тўғрисида"ги Қонунда 
тадбиркорликни қўллаб-қувватлаш бўйича давлат органларининг ваколатлари қуйидагича 
тақсимланган ва белгиланган.