1- мавзу: кичик бизнес ва тадбиркорлик фаолиятининг иқтисодий, ижтимоий, ҲУҚУҚий асослари ва давлат томонидан қЎллаб- қувватланиши режа

---

1- Мавзу: КИЧИК БИЗНЕС ВА ТАДБИРКОРЛИК ФАОЛИЯТИНИНГ ИҚТИСОДИЙ, 
ИЖТИМОИЙ, ҲУҚУҚИЙ АСОСЛАРИ ВА ДАВЛАТ ТОМОНИДАН ҚЎЛЛАБ-
ҚУВВАТЛАНИШИ 
 Режа:
1. Тадбиркорлик фаолиятининг иқтисодий, ижтимоий, ва ҳуқуқий асослари. 
2. Тадбиркорлик мухити ва унга таъсир этувчи омиллар 
3. Тадбиркорлик фаолиятини давлат томонидан қўллаб қувватланиши 
 
1.Тадбиркорлик фаолиятининг иқтисодий, ижтимоий, ва ҳуқуқий асослари 
Тадбиркорлик жамиятда ижтимоий ва иқтисодий соҳалардаги мавжуд муаммоларни 
ҳал қилишда ва жамиятнинг ижтимоий-иқтисодий тараққиётида катта рол ўйнайди. У ишлаб 
чиқариш, иш бажариш, хизмат кўрсатиш соҳаларида янги иш ўринлари яратиб, аҳолини иш 
билан таъминлаш ва ишсизликни камайтиришда муҳим аҳамият касб этади. Ривожланган 
мамлакатларда ҳам, Ўзбекистонда ҳам ҳар йили яратилаётган янги иш ўринларининг 
ярмидан ортиғи кичик ва хусусий тадбиркорликка тўғри келади. Демак, тадбиркорлик 
аҳолининг иш билан бандлиги, меҳнат ва иқтисодий фаоллигининг ўсиши ва бунинг 
натижасида унинг даромадларини ошишига катта ҳисса қўшади. Бу жараённинг икки 
оқибатини эътиборга олиш лозим. Бир томондан, аҳолининг моддий ва маҳнавий 
эҳтиёжларининг ўсишини, кенгайиши бўлса, иккинчи томондан, уларни тўлароқ қондириш 
имкониятларининг яратилишидир. Бу пировард натижада аҳоли ҳаётини яхшилаш, турмуш 
даражасини кўтариш фаровонлигини оширишни таъминлайди. Тадбиркорликнинг 
ривожланиши билан унинг мазкур соҳадаги роли ортиб боради. 
Бу борада тадбиркорлик мувофиқлатириш вазифасини бажариш, талаб билан таклифни 
ўзаро мувофиқлатириш, нархларни барқарорлатириш, бозорда мувозанат ўрнатиш ва уни 
ушлаб туриш, мавжуд эҳтиёжни кенгайтириш ва тўлароқ қондиришга хизмат қилади, унинг 
билан бирга тадбиркорлик бозор иқтисодиёти шароитида рақобатнинг шаклланиши, 
ривожланишида ва маҳсулот сифати ва рақобатбардошлигини кўтариш, ишлаб чиқариш 
ҳаражатлари ва маҳсулот таннархини пасайтириш, фаолият самарадорлигини оширишда 
муҳим рол ўйнайди.