Tibbiyot instituti talabalari uchun

3.3. Sud tibbiyoti ekspertining huquq va burchlari
Bu O’zbekiston Respublikasi jinoyat-protsessual Kodeksining 68-moddasida 
ko’rsatilgan.
Ekspertning burchiga quyidagilar kiradi:
1. Militsiya, tergovchi, prokuratura va sud organlari shu ishni ko’rib 
chiqishda ekspert sifatida chaqirsa borishga majbur. Agar ekspertda bu 
ishga qatnashishga rad qilish asosi bo’lsa, u ekspertiza tayinlagan tergov 
va sud organlariga o’z vaqtida murojaat qilishga haqlidir.
2. Ekspert o’zini oldiga qo’ygan ekspertiza ob’ektini yaxshilab tekshirishi, 
27

---

barcha tekshiruv usullarini qo’llashi va ilmiy asoslangan yozma 
xulosasini tuzishi.
3. Agar uni oldiga qo’yilgan savollar ekspert bilimlaridan tashqariga chiqsa, 
u surishtiruv organlariga yozma ravishda xulosa berishdan oldin xabar 
berishi.
4. Sud tibbiyoti eksperti faqatgina tibbiyotga va biologiyaga oid 
savollargagina javob berishi.
5. Ruhiy holatni aniklash masalasi sud-psixiatriya ekspertizasining 
vazifasiga kiradi.
6. Tibbiyotga va biologiyaga aloqador bo’lmagan savollar sud tibbiyoti 
ekspertining vazifasiga kirmaydi.
7. Bundan tashqari, barcha yuridik savollar, javobgarligi, qasddan yoki 
ehtiyotsizlik bilan jinoyatga qo’l urishi, odam o’ldirish, o’zini o’zi 
o’ldirishi, va boshqalar ekspertining burchiga kirmaydi va bu savollar 
tergov va sud organlari tomonidan hal qilinadi.
Ekspertning huquqi:
1. Ekspertizaning maqsad va vazifasini bilishi.
2. Ekspertiza tayinlagan sud va tergov organlaridan o’zining oldiga 
qo’yilgan savollarni aniq qo’yilishini talab qilishi.
3. Ekspertiza materiallari bilan tanishib chiqishni talab qilishi.
4. Xulosa berish uchun kerakli qo’shimcha materiallarni talab qilishi.
5. Ekspertiza tayinlagan kishining ruxsati bilan yoki sudning ruxsati bilan 
so’roq paytida qatnashish, so’roq qilinuvchiga ekspertizaga aloqador 
savollar berish.
6. Qiyin ekspertiza vaqtida sud va tergov organlaridan ekspertizada 
qatnashish uchun kerakli mutaxassislarni chaqirish va ular bilan 
birgalikda xulosa berish.
7. Xulosada ish holatida ko’rsatilmagan ayrim savollarga javob berish.
Agar ekspert xulosa berishdan bosh tortsa yoki yolg’on xulosa bersa u 
O’zbekiston Respublikasi Jinoyat kodeksining 238-, 240-moddalari bo’yicha jinoiy 
28

---

javobgarlikka tortiladi.