Toshkent davlat yuridik universiteti

Respublikasining Iqtisodiy protsessual kodeksi, shuningdek, Oʻzbekiston 
Respublikasi Oliy Sudi Plenumining tegishli qarorlari bilan asoslang.
2-KAZUS 
Oʻzbekiston Respublikasi Prezidenti huzuridagi Tadbirkorlik 
subyektlarining huquqlari va qonuniy manfaatlarini himoya qilish boʻyicha 
vakillikning 2019-yil 7-iyuldagi 7-son qarori bilan tasdiqlangan 
tekshirishlar reja-jadvaliga va Oʻzbekiston neft mahsulotlari va gazdan 
foydalanishni nazorat qilish Davlat inspeksiyasi viloyat hududiy 
bo‘limining 2019-yil 2-avgustdagi 12/19-T-son buyrug‘iga asosan “Tuman 
mashina-traktor parki” aksiyadorlik jamiyatida (bundan buyon matnda 
MTP AJ deb yuritiladi) neft mahsulotlarining qabul qilinishi, sifati, 
miqdori, saqlanishi, tarqatilishi, hisob-kitobi yuritilishi, neft omborining 
texnik va metrologik holati yuzasidan tekshirish o‘tkazilgan. 
Tekshirish natijasida MTP AJda 3,4 million so‘mlik 3865 litr AI-80 
benzindan maqsadsiz foydalanilgani, 1,4 million so‘mlik 1815 litr dizel 
yonilg‘isi, 223,8 ming so‘mlik 93 litr moy mahsulotlari asossiz hisobdan 
chiqarilgani aniqlangan. 
Oʻzbekiston neft mahsulotlari va gazdan foydalanishni nazorat qilish 
davlat inspeksiyasi tomonidan 2019-yil 24-avgustda yonilg‘i-energetika 
resurslaridan foydalanish qoidalarini buzganlik uchun moliyaviy sanksiya 
qo‘llash to‘g‘risida qaror qabul qilingan bo‘lib, unga ko‘ra MTP AJga 
nisbatan 6,4 million so‘m iqtisodiy jazo qo‘llanilgan va bir oy muddatda 
qo‘llanilgan va uni inspeksiyaning hisob raqamiga o‘tkazib berish tavsiya 
etilgan. 
MTP AJ tomonidan mazkur qaror va qo‘llanilgan iqtisodiy jarima 
summasini to‘lash haqidagi talabnoma oqibatsiz qoldirilgan. 

---

166 
Iqtisodiy jarima ixtiyoriy ravishda to‘lanmaganligi sababli 
Oʻzbekiston neft mahsulotlari va gazdan foydalanishni nazorat qilish 
Davlat inspeksiyasi Oʻzbekiston Respublikasi Oliy Sudiga ariza bilan 
murojaat qilib, Oʻzbekiston Respublikasi Vazirlar Mahkamasining 1994-
yil 9-martdagi 124-son qarori bilan tasdiqlangan “Yonilg‘i-energetika 
resurslaridan foydalanish qoidalarini buzganlik uchun iqtisodiy jazolarni 
qo‘llash to‘g‘risida”gi nizomning 1.1-bandiga asosan MTP AJga nisbatan 
6,4 million so‘m miqdorida iqtisodiy jazo qo‘llashni va uni undirishni 
so‘ragan. 
Savollar 
1.
Oʻzbekiston neft mahsulotlari va gazdan foydalanishni nazorat 
qilish Davlat inspeksiyasi “Tuman mashina-traktor parki” aksiyadorlik 
jamiyatiga nisbatan iqtisodiy jazo qo‘llash vakolatiga egami? 
2.
Oʻzbekiston neft mahsulotlari va gazdan foydalanishni nazorat 
qilish Davlat inspeksiyasi “Tuman mashina-traktor parki” aksiyadorlik 
jamiyatidan iqtisodiy jazo summasini sudga murojaat qilmasdan undirib 
olish huquqiga egami? 
3.
Oʻzbekiston neft` mahsulotlari va gazdan foydalanishni nazorat 
qilish Davlat inspeksiyasi tomonidan iqtisodiy jazo summasi to‘g‘ri 
hisoblanganmi? 
4.
Oʻzbekiston neft mahsulotlari va gazdan foydalanishni nazorat 
qilish Davlat inspeksiyasi respublika miqyosidagi davlat boshqaruv organi 
hisoblanadi, shuning uchun ham u ariza bilan to‘g‘ridan to‘g‘ri 
Oʻzbekiston Respublikasi Oliy Sudiga murojaat qilgan. Shu to‘g‘rimi? 
5.
Oʻzbekiston Respublikasi Oliy Sudi ushbu arizani qanday hal 
qilishi lozim.