Toshkent davlat yuridik universiteti

 
 
Soliq tekshiruvini o‘tkazishda g‘ayriqonuniy harakatlar orqali zarar 
yetkazilishiga yo‘l qo‘ymaslik 
Soliq tekshiruvini o‘tkazishda tadbirkorlik subyektiga yoxud uning 
egaligida, foydalanishida yoki tasarrufida bo‘lgan mol-mulkka 
g‘ayriqonuniy harakatlar orqali zarar yetkazilishiga yo‘l qo‘yilmaydi. 
Soliq tekshiruvini o‘tkazishda davlat soliq xizmati organlari yoki 
ularning mansabdor shaxslarining g‘ayriqonuniy harakatlari orqali 
yetkazilgan zararlar, shu jumladan boy berilgan foydaning o‘rni davlat 
soliq xizmati organlari tomonidan to‘liq hajmda qoplanishi kerak. Sud 
qaroriga binoan zararlar o‘rnini qoplash davlat soliq xizmati organlarining 
qaysi mansabdor shaxslarining aybi bilan zarar yetkazilgan bo‘lsa, o‘sha 
mansabdor shaxslar zimmasiga yuklanishi mumkin. 
Davlat soliq xizmati organlari va ularning mansabdor shaxslari 
g‘ayriqonuniy harakatlar sodir etganligi natijasida tadbirkorlik subyektiga 
yetkazilgan zarar uchun qonunda nazarda tutilgan tartibda javobgarlikka 
tortiladi. 
Davlat soliq xizmati organlari mansabdor shaxslarining qonuniy 
harakatlari orqali tadbirkorlik subyektiga yetkazilgan zararlar o‘rni 
qoplanmaydi, qonunda nazarda tutilgan hollar bundan mustasno. 
 

---

164 
 
 
 
NAZORAT UCHUN SAVOL VA TOPSHIRIQLAR 
1.
Tadbirkorlik subyektlari faoliyati ustidan davlat nazorati 
tushunchasi va prinsiplarini taqqoslab tushuntiring. 
2.
Tadbirkorlik subyektlari faoliyati ustidan davlat nazorati huquqiy 
asoslarini va ularni takomillashtirish tendensiyalarini aytib bering. 
3.
Tadbirkorlik subyektlari faoliyati ustidan davlat nazorati 
shakllarini tushuntiring va tahlil qiling. 
4.
Tadbirkorlik subyektlari faoliyati ustidan davlat nazorati 
turlarining o‘ziga xos xususiyatlarini tushuntirib bering. 
5.
Davlat nazorat organlari vakolatlarini taqqoslagan holda 
tushuntirib bering. 
6.
Soliq tekshiruvlarini o‘tkazishga doir qo‘shimcha shartlar 
nimalardan iborat? 
7.
Tadbirkorlik subyekti tomonidan davlat nazorat organlari 
qarorlarini bajarish tartibini yoritib bering.