Toshkent davlat yuridik universiteti

e’tiboran o‘n ish kuni ichida taqdim etishga haqli
. Bunda soliq 

---

160 
tekshiruvi materiallari tadbirkorlik subyektining mansabdor shaxslari 
ishtirokida ko‘rib chiqiladi. Davlat soliq xizmati organi tekshiruv 
materiallarini ko‘rib chiqish sanasi, vaqti va joyi to‘g‘risida tadbirkorlik 
subyektini ko‘rib chiqishdan kamida ikki ish kuni oldin xabardor qiladi. 
Agar tadbirkorlik subyekti soliq tekshiruvi materiallarini ko‘rib 
chiqishga uzrli sabablarga ko‘ra kela olmasligi to‘g‘risida davlat soliq 
xizmati organini xabardor qilgan bo‘lsa, davlat soliq xizmati organining 
rahbari yoki rahbar o‘rinbosari soliq tekshiruvi materiallarini ko‘rib 
chiqishni uch ish kunidan ko‘p bo‘lmagan muddatga kechiktirish 
to‘g‘risida qaror qabul qiladi, bu haqida tadbirkorlik subyekti xabardor 
qilinadi. 
Agar tadbirkorlik subyekti takroriy xabarnomaga qaramasdan soliq 
tekshiruvi materiallarini ko‘rib chiqishga kelmasa, mazkur materiallar, shu 
jumladan tadbirkorlik subyekti tomonidan taqdim etilgan tushuntirishlar va 
e’tirozlar uning ishtirokisiz ko‘rib chiqiladi. 
Soliq tekshiruvi materiallari tadbirkorlik subyektining ishtirokida 
ko‘rib chiqilganda bayonnoma soliq tekshiruvi materiallarini ko‘rib 
chiqqan mansabdor shaxs, tadbirkorlik subyekti, shuningdek, ularni ko‘rib 
chiqishda ishtirok etgan boshqa shaxslar tomonidan imzolanadi. 
Tadbirkorlik subyekti bayonnomani imzolashdan bosh tortganda yoxud 
soliq tekshiruvi materiallari uning ishtirokisiz ko‘rib chiqilganda bu haqida 
bayonnomaga tegishli yozuv kiritiladi. 
Soliq tekshiruvi materiallari tadbirkorlik subyektining ishtirokida 
ko‘rib chiqilganda bayonnoma uch nusxada tuziladi, ulardan bir nusxasi 
tadbirkorlik subyektiga beriladi. Tadbirkorlik subyekti bayonnomani 
olganda bayonnomaning barcha nusxalariga uni olgan sanani ko‘rsatgan 
holda imzo qo‘yishi shart. Tadbirkorlik subyekti bayonnomani olishdan 
bosh tortgan taqdirda davlat soliq xizmati organining mansabdor shaxsi bu 
haqida bayonnomaga tegishli yozuv kiritadi. Davlat soliq xizmati organida 
soliq tekshiruvi materiallarini ko‘rib chiqish bayonnomasining qolgan 
barcha nusxalari soliq tekshiruvi materiallariga qo‘shib qo‘yiladi.