Toshkent davlat yuridik universiteti

Tadbirkorlik subyektining banklardagi hisobvaraqlari boʻyicha 
operatsiyalarni to‘xtatib turish 
Tadbirkorlik subyektining banklardagi hisobvaraqlari boʻyicha 
operatsiyalarni to‘xtatib turish faqat sud qarori asosida amalga oshiriladi, 
soliq qonunchiligida nazarda tutilgan hollar bundan mustasno. 
Soliq tekshiruvini o‘tkazishga tadbirkorlik subyekti tomonidan 
to‘sqinlik qilingan yoki soliq to‘lovchi daromad olish uchun 
foydalanayotgan yoxud soliq solish obyektini saqlash bilan bog‘liq 
hududlarni, binolarni, shu jumladan joylarni ko‘zdan kechirish uchun 
davlat soliq xizmati organining mansabdor shaxslarini kiritish tadbirkorlik 
subyektining tomonidan rad etilgan taqdirda davlat soliq xizmati organi 

---

156 
tadbirkorlik 
subyektining 
banklardagi 
hisobvaraqlari 
boʻyicha 
operatsiyalarni to‘xtatib turish to‘g‘risidagi ariza bilan sudga murojaat 
qilishga haqli. 
Davlat soliq xizmati organi quyidagi hollarda tadbirkorlik 
subyektining banklardagi hisobvaraqlari boʻyicha operatsiyalarni 
to‘xtatib turishga haqli: 
1) jinoiy faoliyatdan olingan daromadlarni legallashtirish, terrorizmni 
moliyalashtirish va ommaviy qirg‘in qurolini tarqatishni moliyalashtirish 
aniqlanganda; 
2) tadbirkorlik subyekti qayd etilgan manzilda bo‘lmaganda; 
3) tadbirkorlik subyekti tomonidan soliq hisoboti va (yoki) moliyaviy 
hisobot, kameral nazorat natijalari boʻyicha tafovutlarning asoslari yoxud 
aniqlashtirilgan soliq hisoboti belgilangan muddatda taqdim etilmaganda. 
Shuningdek, davlat soliq xizmati organi tovarlarni (ishlarni, 
xizmatlarni) realizatsiya qilishni kirim hujjatlarini rasmiylashtirmasdan 
amalga oshiruvchi tadbirkorlik subyektlarining bank hisobvaraqlari 
boʻyicha operatsiyalarini besh bank kunigacha bo‘lgan muddatga 
vaqtincha to‘xtatib turishga ham haqli.