Toshkent davlat yuridik universiteti

Soliq tekshiruvini o‘tkazishning boshlanishi 
Davlat soliq xizmati organining mansabdor shaxsi soliq tekshiruvini 
o‘tkazishni boshlashdan oldin naqd pul tushumlariga taalluqli masalalar 
yuzasidan qisqa muddatli tekshiruv o‘tkazilayotganda esa soliq tekshiruvi 
tugallanguniga qadar: 
•
tadbirkorlik subyektini soliq tekshiruvining maqsadi bilan 
tanishtirishi; 
•
o‘zining xizmat guvohnomasini, shuningdek, tekshirishlarni 
o‘tkazishga ruxsat berilganligi to‘g‘risidagi maxsus guvohnomasini 
ko‘rsatishi;
•
qonun hujjatlarida belgilangan tartibda tekshirishlarni qayd etish 
daftarini to‘ldirishi; 
•
soliq to‘lovchiga tadbirkorlik subyektlari faoliyatini tekshirishlarni 
amalga oshirishning muvofiqlashtirish rejasidan ko‘chirma nusxasini yoki 
nazorat qiluvchi organlar faoliyatini muvofiqlashtiruvchi maxsus vakolatli 
organning rejadan tashqari soliq tekshiruvi o‘tkazish to‘g‘risidagi qarori 
ko‘chirma nusxasini; 
•
shuningdek, davlat soliq xizmati organining tegishli soliq tekshiruvi 
tayinlanganligi to‘g‘risidagi buyrug‘ining hamda soliq tekshiruvini 
o‘tkazish dasturining ko‘chirma nusxalarini topshirib tilxat olishi shart.
Yuqorida ko‘rsatilgan hujjatlar tadbirkorlik subyektiga topshirilgan 
payt soliq tekshiruvini o‘tkazish boshlangan payt deb hisoblanadi. 
Tadbirkorlik subyektining mazkur hujjatlarni olishdan bosh tortganligi 
soliq tekshiruvini bekor qilish uchun asos bo‘lmaydi. Tadbirkorlik 
subyekti mazkur hujjatlarni olishdan bosh tortgan taqdirda davlat soliq 
xizmati organi mansabdor shaxsi tomonidan uning o‘zi va tadbirkorlik 
subyekti imzolaydigan dalolatnoma tuziladi. Tadbirkorlik subyekti ushbu 
dalolatnomani imzolashdan bosh tortgan taqdirda bu haqida dalolatnomaga 

---

153 
tegishli yozuv kiritiladi. Bunday holda dalolatnoma imzolangan payt soliq 
tekshiruvini o‘tkazishning boshlanishi hisoblanadi. 
Davlat soliq xizmati organi mansabdor shaxslarining o‘z xizmat 
vazifalarini bajarishiga to‘sqinlik qilganlik uchun javobgarlikka 
tortilganlik soliq tekshiruvini bekor qilish uchun asos bo‘lmaydi.