Toshkent davlat yuridik universiteti

O‘z javobingizni tadbirkorlik faoliyati, tadbirkorlik subyektlari 
faoliyati ustidan davlat nazoratiga oid qonun hujjatlari, Oʻzbekiston 
Respublikasining Iqtisodiy protsessual kodeksi, shuningdek, Oʻzbekiston 
Respulikasi Oliy Sudi Plenumining tegishli qarorlari bilan asoslang.
3-KAZUS 
Oʻzbekiston Respublikasi Bosh prokuraturasi huzuridagi Iqtisodiy 
jinoyatlarga qarshi kurashish departamenti shahar bo‘limining 2019-yil
5-martdagi 9/3-12-son xati va tuman davlat soliq inspeksiyasining 2019-yil 
5-martdagi 38-son buyrug‘iga asosan xususiy korxonaga qarashli savdo 
do‘konida qisqa muddatli tekshirish o‘tkazilgan. 
Jinoyat ishi 2019-yil 9-martda xususiy korxona rahbari bo‘lmagan 
shaxsga nisbatan qo‘zg‘atilgan. 
Tekshirish 
yakuni 
yuzasidan 
2019-yil 
5-martda 
tuzilgan 
dalolatnomada xususiy korxonaga qarashli do‘konda xaridorlarga nazorat-

---

167 
kassa mashinasidan xarid uchun 24,9 ming so‘mga chek berilmaganligi, 
shuningdek, kirim qilinmagan 2,8 million so‘m naqd pul va 8,8 million 
so‘mlik tovar-moddiy boyliklar mavjudligi qayd etilgan. 
Tekshirish natijalariga asoslangan holda tuman davlat soliq 
inspeksiyasi boshlig‘i soliqqa oid huquqbuzarliklarni bartaraf etish 
to‘g‘risida qaror qabul qilgan.
Qarorda qo‘llaniladigan moliyaviy sanksiya hisobi ko‘rsatilib, uni 
ixtiyoriy ravishda o‘ttiz kun ichida budjetga to‘lab berish xususiy 
korxonaga tavsiya etilgan. 
Ushbu moliyaviy sanksiya summasi belgilangan muddat ichida 
ixtiyoriy ravishda to‘lab berilmaganidan keyin arizachi – tuman davlat 
soliq inspeksiyasi javobgar – xususiy korxonaga nisbatan Oʻzbekiston 
Respublikasi Soliq kodeksining 114-moddasiga hamda 119-moddasining 
birinchi qismiga asosan jami 26,1 million so‘m moliyaviy sanksiya 
qo‘llashni so‘rab tumanlararo iqtisodiy sudga ariza bergan. 
Savollar 
1. Oʻzbekiston Respublikasi Bosh prokuraturasi huzuridagi Iqtisodiy 
jinoyatlarga qarshi kurashish departamenti shahar bo‘limi harakatiga 
huquqiy baho bering. 
2. Tuman davlat soliq inspeksiyasining 2019-yil 5-martdagi 38-son 
buyrug‘i qonun talablariga asoslanganmi? 
3. Tumanlararo iqtisodiy sud mazkur ariza boʻyicha qanday hal qiluv 
qarori qabul qilishi lozim?