Savol: Kemalar qancha muddatda qurilgan? Javob

1-tur

1. Tadqiqotchilarning yozishicha, Ummonda kemalarga tirik mavjudot sifatida qarashgan. Shuning uchun kemani shuncha muddatda qurishga harakat qilishgan.

Savol: Kemalar qancha muddatda qurilgan?
Javob: 9 oyda.
Izoh: Kemani qurish bola ham tug‘ishday gap emish.


2. 18 asrdagi ingliz adibining bir qahramonining ismi ingliz va nemis tillarida F harfi bilan boshlanadi, ispan, italyan va fransuz tillarida – V harfi bilan boshlanadi.
Savol: Siz menga ushbu qahramonning ismi o‘zbek tilida qaysi harfdan boshlanishini yozib bering.
Javob: J harfi.
Izoh: Jumavoy. Friday, Freitag, Viernes, Venerdi, Vendredi. Robinzon Kruzo haqidagi asar qahramoni.


3. Plutarx bir dengiz jonivori haqida shunday yozgan: “Barcha tirik mavjudotlar ichida tabiat faqat ungagina barcha faylasuflar izlaydigan narsani – beg‘araz do‘st bo‘lish qobiliyatini bergan. Garchi unga insonlardan hech narsa kerak bo‘lmasa ham u insonlarning buyuk do‘sti va ko‘pchillikka yordam beradi”.
Savol: Bu qaysi mavjudot?
Javob: Delfin.


4. Eramizdan avvalgi 217-yilda bo‘lib o‘tgan Ptolomeylar va Salavkiylar qo‘shinlari o‘rtasida Rafiya shahri yaqinidagi jangda ular o‘zaro duch kelishdi. Birinchilarining soni 73 ta bo‘lib, ular afrikaliklar tomonida turib jang qilishgan, ikkinchilarining soni 102 ta bo‘lib, ular Osiyoning Salavkiylar imperiyasi tomonida turib jang qilishgan.
Savol: Gap qaysi jonivorlar haqida ketmoqda?
Javob: Fillar.
Izoh: Afrika fillari va hind fillari.


5. Bugun bu bayramni 19 millionga yaqin inson nishonlamoqda. Menimcha, bu bayramni barchangiz nishonlagan bo‘lsangiz kerak.
Savol: Bu bayramning nomini ikki so‘z bilan yozib bering.
Javob: Tug‘ilgan kun.
Izoh: Har kuni Yer yuzida shuncha inson o‘z tug‘ilgan kunini nishonlar ekan.

6. Boshqa sut emizuvchilardan farqli ravishda, bu jonzotlarning suyaklarida kalsiy va boshqa minerallar miqdori kamroq bo‘ladi. Shu sababli ularning suyaklari o‘ta egiluvchan bo‘ladi. Bu qaysi sut emizuvchi jonzot bilan bevosita bog‘liq bir superqahramonni hammangiz bilasiz.