Билим соҳаси – Социал таъминот ва соғлиқни сақлаш 500000

Қоринчалараро пардевор дефекти.
Бу нисбатан кўп учрайдиган 
касаллик бўлиб, туғма юрак нуқсонлари ичида 11-23% ни ташкил қилади. 
Бунда дефект 2 хил вариантда, пардеворнинг мембрана ёки мушак қисмида 
жойлашиши мумкин Касалликнинг клиник белгиси одатда боланинг 1-2 
ойлигидан бошлаб, бемор кўкракни эмишда қийналади, инжиқ бўлиб 
қолади, хансирайди, оч қолиб оза бошлайди. Юрак чегараси ўнгга ва чапга 
кенгайган бўлиб, секин - аста юрак букрилиги пайдо бўла бошлайди. Тўш 
суягини чап қиррасида 3-4 қовурға оралиғида кенг соҳада дағал систолик 
шовқин эшитилади. Ўпка артериясида 2- тон кучайган бўлади. 
Дефект мушак қисмида бўлса, ( Толочинов - Роже касаллиги) шикоят 
бўлмайди. Фақат тўш суягининг чап қиррасида 4-5- қовурға оралиғида, 
ўртача интенсивликда атрофга тарқалмаган ғижирлаган товушдаги шовқин 
эшитилади. Ўпка гипертензияси бўлмайди. Баъзан дефектни клиник 
белгиларини йўқолиши мушак толаларини ривожланиши ҳисобига бўлиши 
мумкин. 
Артериал (баталлов) йўлининг очиқ қолиши.
Касалликнинг клиник 
белгилари кўпинча 1 ёшнинг охирида ёки 2-3 ёшлик вақтидан бошланади. 
Бунгача бола кўпинча яхши ривожланади. Касаллик бошланишида бола тез 
- тез респиратор касаллик билан оғриб туради. Олдин тўш суягининг чап 
томонида 2-3 -қовурға оралиғида систолик шовқин эшитилиб, кейин бунга 
диастолик шовқин қўшилиб, натижада узлуксиз систола - диастолик шовқин 

---

334 
эшитила бошлайди. 2- тон ўпка артериясида кучайган бўлади. Юрак 
чегараси асосан чапга кенгайган бўлади. 
Бўлмачалараро пардевор дефекти.
Бу туғма юрак нуқсонлари ичида 
8-16% ни ташкил қилади. Бу ҳасталикда юрак чегараси асосан ўнга 
кенгайиб, тўш суягининг чап томонида 2 - 3 -қовурға оралиғида систолик 
шовқин эшитилади. Ўпка артериясида 2- тон кучайган бўлади. Йиллар 
ўтиши билан юрак букрилиги пайдо бўлади. Кичик қон айланишида 
қоннинг камайиши билан кечувчи туғма юрак нуқсонлари. Бу хилдаги юрак 
нуқсонларида ўнг қоринчадан оқиб чиқувчи қон тўсиққа учраб, натижада 
ўнг қоринчада босим ортиб, миокард гипертрофияси кузатилади. Кичик қон 
айланиш доирасида қоннинг камайиши, кислород танқислиги ва унинг 
давом этиши бемор организмида дегенератив ўзгаришларни келтириб 
чиқаради. Бу гуруҳ туғма нуқсонларидан асосан кузатилади: