Билим соҳаси – Социал таъминот ва соғлиқни сақлаш 500000

 
 
 
 
 
 
Расм 50. «Барабан таёқчалари
»
 
Расм 49. Фалло тўртлигида
беморнинг мажбурий ҳолати 
Катта қон айланиш доирасида қоннинг камайиши билан кечувчи 
туғма юрак нуқсонлари.
Бундай юрак нуқсонларига киради: 
Аорта тешиги стенози.
Бунда беморларда хансираш, тез чарчаш, 
юрак атрофида оғриқ, бош айланиш, ҳушидан кетиш ҳолатлари кузатилади. 

---

336 
Терилари оқарган, артериал қон босими пасайган бўлади. Юрак чегараси 
чапга кенгайиб, тўш суягини ўнгида 2- қовурға оралиғида систолик шовқин 
эшитилади. 
Аорта коарктацияси.
Бунда торайиш аортанинг бўйин қисмида, ёйида 
ёки ёйидан пастга тушиш қисмида бўлиши мумкин. Эрта ёшдаги болаларда, 
туғилишининг биринчи куниданоқ ўпка - юрак ҳаво етишмаслиги, кучли 
хансираш, ўпкада кўп миқдорда хириллашларни пайдо бўлиши билан 
кечиши мумкин. Кўпинча 2 - қовурға оралиғида тўш суягини ўнг ёки чап 
томонида систолик шовқин эшитилади. Юрак чегараси чапга ёки икки 
томонга кенгайган бўлади. Аортанинг торайиш қисмидан юқорида 
гипертензия кузатилиб, тананинг юқори қисми қон билан яхши таъминланиб 
яхши ривожланади. Бунда беморнинг қўлида пульс тўла, баланд, артериал 
қон босими меъёрда ёки кўтарилган бўлади. Боланинг оёқларида эса пульс 
кучсиз артериал қон босим паст бўлади. Тана тузилишида диспропорция 
кузатилади. 
Юрак фаолиятининг етишмаслиги синдроми. 
 
Юрак фаолиятининг етишмаслигида юракка тушадиган зўриқиш 
унинг бажариши мумкин бўлган имкониятдан кўп бўлиб, натижада 
миокарднинг қисқариш фаолиятини бузилиши кузатилади. Юрак 
фаолиятининг етишмаслиги ўткир ва сурункали бўлиши мумкин. 
Касалликнинг бошланиши даврларида бемор болаларда хансираш, юрак 
уришининг тезлашиши - тахикардия кузатилади. Касалнинг териси оқариб – 
кўкимтир тус олади, мрамор кўринишига эга бўлади. Кўкаришлар айниқса 
бемор лабларида, тананинг дистал соҳаларида, қўл-оёқларида ривожланган 
бўлади. Касаллик ривожланиши билан ўпкада димланиш ҳолати пайдо 
бўлиб, беморда нафас олишни янада тезлашиши, йўтал кузатилади. Бунда 
ўпкада кўпинча майда пуфакчали хўл хириллашлар эшитилади. Агарда 
димланиш ҳолати катта қон айланиш доирасида бўлса, жигарнинг 

---

337 
катталашиши, баъзида шиш, тана вазнини ортиши, диурезни камайиши 
кузатилади.