Билим соҳаси – Социал таъминот ва соғлиқни сақлаш 500000

4.1.5 Тери касалликлари семиотикаси 
 
 Терининг бичилиши. 
Бунда терининг эритематоз яллиғланиши 
кузатилиб, касаллик бошланишида тери қизариб, кейин сирти ёрилади ва 
суюқлик ажраб турган ҳўл юза пайдо бўлади. Бу кўпинча кўкрак ёшидаги 
болалар, 
айниқса 
чақалоқларнинг 
тери 
бурмаларида, 
думбасида 
парваришнинг бузилиши оқибатида пайдо бўлади. Бемор бола бетоқат бўлиб 

---

226 
қолади. Агарда тери бичилишига йиринг ҳосил қилувчи инфекция ёки 
замбуруғлар таъсир этса, касаллик оғирлашиб, чўзилиб кетади. 
Тери бичилишининг олдини олишда болаларнинг, айниқса эрта 
ёшдаги болалар терисини гигиеник парвариш этиш қоидаларига мунтазам 
риоя қилган ҳолда олиб бормоқ лозим. Тери бичилишига мойиллик сезилса, 
болани ювинтиргач, тери бурмаларини юмшоқ сочиқ билан яхшилаб қурутиб, 
стерил ўсимлик мойидан суртиш ёки болалар баданига сепиладиган 
порошокдан сепиб қўйиш тавсия этилади. 
 Пиодермия - терини йирингли яллиғланишлик касалликлари.
Чақалоқлик даврида терининг йирингли жароҳатловчи кокк 
бактериялари, айниқса стафилакокк таъсирида касалланиши жуда хавфлик 
ҳисобланади. Чунки чақалоқ бола организми стафилакокк инфекциясига 
ўта берилувчан бўлади. Бинобарин, бу касалликда ҳали мудофаа 
функцияси, иммунологик жараёни ривожланмаган чақалоқ бола организмини 
микроблар флораси билан биринчи бор тўқнашуви юз беради. Пиодермияни 
пайдо бўлишига терининг ифлосланиши, парвариш этиш гигиеник 
қоидаларининг бузилиши олиб келади. 
Пиодермиянинг клиник кечиши жуда хилма хил бўлиб, вазикуло-
пустулёз, чақалоқлар терисида пуфакчалик тошмалар (пузырчатка), Риттер 
эксфолиатив дерматити, сохта фрункулез кўринишларида бўлиши мумкин. 
Пиодермияда терининг жароҳатланиши чекланган кичик соҳада бўлса, бемор 
аҳволи ўзгармаслиги, ўзгариш кенг, тарқалган соҳада бўлса, тана ҳарорати 
кўтарилиб яқин-атроф лимфа тугунлари катталашиб, қон таркибида ҳам 
ўзгаришлар кузатилиши мумкин. Касалликни оғир хили сепсисга олиб 
келиши мумкин.