Билим соҳаси – Социал таъминот ва соғлиқни сақлаш 500000

Терининг намлиги.
Тананинг симметрик соҳаларида шифокор 
бармоқлари билан силаб кўриш йўли орқалик кўкракда, танада, қўлтиқ 
остида, қов оралиғида, қўл ва оёқларда, товонда, кафтда аниқланади. Гўдак 
болаларда намликни энса соҳасида аниқланиш муҳим ўрин тутади. 

---

221 
Расм 23.
 
Тери элатиклигининг сусайиши Расм 24.
 
Тери ости ёғ қаватининг
қалинлиги қоринда -киндик атрофида 
 аниқланиши 

 
 
Соғлом болада терининг меъёрдаги намлиги кузатилади. Терининг 
ҳаддан ташқари қуруқлиги қанд касаллигида, ихтиозда, микседемада 
(шиллиқли шишда), катта болаларда тўсатдан озишликда, гиповитаминозда, 
кахексияда, узок вақт ювинмаган болаларда ваннадан сўнг кузатилади. Тери 
намлигини ортиши иссиқланиш натижасида кўп терлаганда, рахитда, 
гипертериозда, ҳароратнинг бирдан тушишида (безгак, қайталама тифда, 
ўпканинг крупозли зотилжамида), вегетатив асаб бошқарувининг 
бузилишида (айниқса ўсмирларда) кузатилади. 
Пайпаслаш орқали терининг ҳароратини ҳам аниқланади. Касалликларда 
тери ҳарорати пасайиши ва кўтарилиши умумий тана ҳароратига қараб 
ўзгаради. Аммо айрим ҳолларда терининг маҳаллий ерини ўзида ҳам 
ҳарорат ўзгариши мумкин. Ҳароратнинг маҳаллий кўтарилиши бўғинлар 
яллиғланишида тери флегмонаси ва абсцессида кузатилади. Оёқ-қўлларнинг 
совуқ бўлиши қон томирлар спазмасида, марказий ва периферик асаб 
тизимсининг шикастланишида учрайди. Терини текширганда, тери қон-
томирлари ҳолатини ҳам баҳолаш лозим. 

---

222 
Қон томирларининг мўртлигини текшириш. 
Тасма боғич симптоми 
(Кончаловский-Ремпель-Лееде симптоми). Бунда резина тасма ёки қон босим 
ўлчашда ишлатиладиган манжет билан елканинг ўрта учдан бир қисмига 
ўралиб, босим орқали вена қон оқиши тўхтатилади, аммо артерия қон оқиши 
давом этади. Одатда манжет қўйилганда ундаги босим диастолик босимни 
йўқотмайдиган даражада бўлиши керак. 3-5 минутдан сўнг тирсак бўғими ва 
билак соҳаси териси кузатилади. Одатда терида ўзгариш кузатилмайди. 
Агарда терида петехиал тошмаларнинг кузатилиши томирлар мўртлигини 
ошганлигини кўрсатса, 4-5 та петехиал элементларнинг пайдо бўлиши 
патологик ҳолат ҳисобланади.