Билим соҳаси – Социал таъминот ва соғлиқни сақлаш 500000

4.3.3 Мушак тизими касалликлар семиотикаси 
 
МИОЗИТ. Мушак яллиғланишини этиологияси турлича бўлиб, асосий 
белгиси мушакда оғриқ (миалгия) ва мушак кучсизлиги, бедармонлиги 
ҳисобланади. Ўткир йирингли миозит кўпинча организмдаги йирингли жараён 
сифатида ривожланиб, касалликни стафилакокк, стрептококк, пневмококк, 
энаэроб микроблари чақиради. Йирингсиз инфекцион миозит ўткир ёки 
сурункалик инфекцион касалликларда (қорин тифи, бруцеллёзда) ҳамда 
инфекцион вирус касалликларда (грипп, энтеровируслар) кузатилади. 
Клиникаси.
Ўткир йирингли миозитда мушакнинг чегараланган ёки 
тарқалган соҳасида йирингли яллиғланиш кузатилиб, бу кучли оғриқ билан 
кечиб, ҳаракатда ёки пальпация қилинганда оғриқнинг кучлик зўрайиши 
билан кечади. Жароҳатланган мушак шишган, кучи камайган бўлади. Кўпинча 
беморда эт увишишлик, ҳароратни кўтарилиши, қонда эса яллиғланишга хос 
ўзгаришлар кузатилади. 
Йирингсиз миозитда эса касалликнинг асосий белгиси оғриқ ва мушак 
кучсизлиги йирингли миозитга нисбатан кам ривожланган бўлиши мумкин. 
Аутоиммун касалликларда ҳам миозит кузатилиб, полимиозит 
кўринишида намоён бўлади. Бунда "оғриқ синдроми" ўртача меъёрда 
ривожланган бўлиб, мушак бедармонлиги эса тобора ривожланиб бораверади. 
Паразитар касалликлардаги (трихинеллёз, эхинококк, токсоплазмоз) 
мушаклардаги ўзгариш организмга паразитларни киришига жавобан 
мушакларда токсик-аллергик жараённи ривожланиши натижасида пайдо 
бўлади. Бунда паразитлар ҳаётий фаоллигида цикиллилиқ мавжуд бўлгани учун 
касаллик тўлқинсимон ҳолатида кечиши мумкин. 

---

240 
Касалликнинг ўзига хос хили оссификацияланиб борувчи ўзгариши 
бўлиб, бунда мушакнинг ривожланиб борувчи атрофияси ва мушак 
бўшашишлиги билан бир вақтда қўшувчи тўқималарда кальций бирикмалари 
йиғилиб боради. Бунда оғриқ синдроми унчалик кучли бўлмайди, лекин 
мушаклар қалинлашган-зичлашган бўлади. Мушаклар пальпация қилинганда, 
жуда ҳам қалинлашган сатҳлар (кальцинатлар) аниқланади.