Билим соҳаси – Социал таъминот ва соғлиқни сақлаш 500000

Бўртмача 
(tuЬегсulum)
 
- терининг устидан бўртиб чиққан 5-10 мм 
ҳажмдаги қаттиқ, бўшлиқсиз элемент бўлиб, тери устидан кўтарилиб туради. 
Унинг асосини яллиғланиш жараёнида ҳосил бўлган инфильтрат ташкил 
этиб, у тери хусусий қаватини чуқур қатламида жойлашган бўлади. 

---

218 
Буртмачани папуладан фарқи орқага қайтиш жараёнида некрозга учраб, учида 
чандиқ, яра қолдиради. Бўртмача сил югургисида, лепрада ва терини замбуруғ 
касалликларида кузатилади. 
Тугунча
(nodus) - тери устидан кўтарилиб турган ёки тери қаватлари 
орасига жойлашган 10 мм ёки ундан катта ҳажмдаги қаттиқ тузилма бўлиб, 
терида ёки тери ости қаватида хужайралар инфильтратини йиғилишидан 
пайдо бўлади. Тугунча кейинчалик ярага, чандиққа айланиши мумкин. Кўк-
қизғиш, ушлаганда оғриқли тугунчага - тугунчали эритема дейилади. 
Яллиғланиш жараёнисиз тугунча, терини ўсма (фиброма, липома) 
касаллигида кузатилади. 
Қавариқ
(urtika) - ўткир яллиғланиш жараёни элементи ҳисобланиб, 
тери сўрғич қаватида чегараланган шиш пайдо бўлиши натижасида юзага 
келади. Ҳажми 20 мм дан катта бўлиб, тери сатҳидан кўтарилиб туради. 
Қавариқ асоратсиз тезда сўрилиши ёки ўрнида жигарранг доғ пигментация 
қолдириши мумкин. 
Пуфакча
(vesikula) - тери тошмаларининг бирламчи морфологик 
элементи ҳисобланиб, тери устидан бироз кўтарилган 1-5 мм ҳажмда бўлиб, 
ичида сероз ёки геморрагик суюқлик тутади. Кўпинча септик ҳолатларда, 
чақалоқлар захмида, сарамасда, оддий ва ўраб олувчи пуфакчали лишайда, 
сувчечакда, иссиқлик тошганда кузатилади. Сувчечакда олдин тошма болани 
бошига, тана ва оёқларига, шиллиқ қаватларга доғли-папула холида тошади. 
Кейин қисқа вақт ичида тошма нўхатдек пуфакчага айланади ва 1-2 кун ичида 
қуриб қобиқ ҳосил қилади. Қобиқ 1-2 ҳафта давомида тушиб кетади. 
Пуфак
(bul1а) - бу пуфакчадан ўзининг катталиги билан фарқланиб, 
ҳажми 5-15 мм ва ундан катта бўлади. Ичида сероз, геморрагик ёки йирингли 
суюқлик тутади. Ўзидан кейин қобиғ ёки тери устки қаватини очилиб 
қолишини (ҳўл эрозия) қолдириши мумкин. Пуфак куйишда, ўткир 
дерматитда кузатилади. 
Яра
(ulcus) - бу терининг ва тери ости қисмларининг чуқур 
шикастланиши бўлиб, бирламчи тери тошмаларининг лимфа, қон 

---

219 
айланишининг бузилиши, трофик ўзгаришлар натижасида парчаланишидан 
пайдо бўлади. 
Чандиқ 
(cicatrix) - бириктирувчи тўқималардан тузилган бўлиб, 
терининг чуқур жароҳатидан ҳосил бўлади. Чандиқ ранги олдин қизгиш бўлиб, 
кейинчалик оқара бошлайди. 
Қобиқ
(crusta) - бу пуфакча, пуфак, яра экссудатининг қуриши 
натижасида пайдо бўлади. Қобиқ - сероз суюқликдан (оч кулрангда), 
йирингдан (сариқ), қонли суюқликдан (қўнғир рангда) пайдо бўлади. 
Экссудатив катарал диатезда бола пешонаси ва юзида пайдо бўлган қобиққа 
"сутли қасмоқ" дейилади.