Асосий касалликнинг баёии

2-
 
даража:
сутдек оқ доғлар билан бир қаторда гипопигментацияли доғлар ҳам 
кузатилиб, бу доғларнинг чегаралари ноаниқ, соғлом тери билан сезилар-сезилмас қўшилиб 
кетган. Касаллик ўчоқлари терининг турли соҳаларида турлича, яъни бир соҳада 
депигментация ўчоқларининг пайдо бўлиши кузатилса, бошқа соҳада доғларнинг 
кичраяѐтганлиги кузатилади. Терининг механик таъсиротларга дучор бўлган соҳаларида 
янги доғлар пайдо бўлади. Зарарланган соҳаларда соч толалари оқаради. 
3-
 
даража:
пес ўчоқлари терининг бир неча соҳаларини эгаллаган, улар де- ва 
гипопигментацияли доғлардан иборат. Доғлар бир-бири билан қўшилишга мойил, турли 
шаклларга кирган доғлар атрофидаги соғлом тери турлича кўринишга эга, жумладан песнинг 
кўриниши уч рангда кузатилиши ҳам мумкин. Яъни депигментацияли доғ 
гипопигментацияли ҳошия билан, гипопигментли доғ эса гиперпигментли ҳошия билан 
ўралади. Кўпчилик беморлар доғлар соҳасидаги қичишиш, санчиш, ачишиш ва оғриқ каби 
нохуш сезгилардан шикоят қиладилар. 
Песга учраган беморларни комплекс усуллар билан даволаш яхши самаралар беради. 
Қўлланиладиган усулларни қуйидагича гуруҳлаш мақсадга мувофиқдир: 
1. Фурокумарин дорилар билан даволаш.
Мазкур гуруҳга кирувчи бероксан, 
псоберан, псорален, аммифурин каби дорилар махсус қоидаларга биноан ичишга ва доғларга 

---

суртиш учун берилади. Фотосенсибилизацияловчи хусусияти бўлган ушбу дори 
моддаларининг таблеткалари ультрабинафша нурлари (УБН) билан нурлашдан 
икки соат олдин ичирилади. Дорини истеъмол этишдан 30 дақиқа олдин беморга алмагель 
ичиш тавсия этилади. Бу тадбир фурокумарин препаратларининг ошқозон шил-лиқ қаватини 
таъсирлантириш каби нохуш асоратининг олдини олади. 
УБН билан нурлаш болаларда кун ора ўтказилади, одатда даво курси мобайнида 60 марта 
нурлатилади. 
Нурлатишнинг дастлабки босқичларида 1-4 биодоза берилиб, нур миқдори аста-секин 
ошириб борилади ва ниҳоят уни 6-8 биодозагача етказиш мумкин. Фотосен-
сибилизаторларни қўллаганда ошқозон кислоталигини ҳисобга олиш лозим. Бу дориларни 
анацид ҳолатларда, ѐш болаларда эса анацид ва гипоацид ҳолатларда бериш тавсия 
этилмайди. Шунингдек 3 ѐшгача бўлган беморларга фурокумарин дорилари қўлланилмайди. 
Кейинги йилларда меладинин, мелагенин каби фотосенсибилизацияловчи дорилар ҳам
самарали қўлланилмоқда. 
Фурокумарин препаратлари билан даволанаѐтганда пес жараѐни активлигини ҳисобга 
олиш лозим. Касалликнинг биринчи даражали активлиги бўлган беморларга мазкур дорилар 
ичиш ва суртиш учун берилади. Иккинчи даражали активлиги аниқланган беморларга эса 
фотосенсибилизаторлар фақат ичиш учун берилиши лозим. Пес жараѐни учинчи даражада 
бўлган беморларга фурокумаринлар қўллаш турли асоратларга олиб келади. Шу туфайли 
мазкур дорилар билан даволаш мақсадга мувофиқ эмас.