Махсус таълим вазирлиги мирзо улуғбек номидаги

Мейоз II. 
Мейоз
 
II нинг бошланишида хромосомалар икки ҳисса 
ортган жуфт хроматидалар умумий центромера билан бирлашган бўлади. 
Аммо ҳар бир ҳужайра митоз ва мейоз I нинг бошланишидаги каби 
хромосомаларнинг қўш (2n) тўпламига эмас, балки якка (n) тўпламига эга
бўлади. 
Профаза
 
II да хромосомалар яхши фарқланади. Бир-биридан узоқла-
шаётган хроматидалар ҳали ажралмаган центромера билан уланган 
бўладилар. 
Метафаза II да хромосомаларнинг қўш структураси яхши ифодалан-
ган бўлади. Хромосомалар ўз центромералари билан экватор текислигидан 
жой оладилар. 
Анафаза II да центромераларнинг ажралиши рўй беради ва ҳар бир 
хроматида мустақил хромосомага айланади. 
Телофаза II да хромосомаларнинг қутбларга тарқалиши поёнига 
етади ва цитокинез бошланади. 
Шундай қилиб, биринчи мейоз бўлинишида хромосомалар сони 
гаплоид бўлган иккита ядро ҳосил бўлади; шу сабабли мейознинг биринчи 
бўлиниши редукцион бўлиниш дейилади.

---

174 
Иккинчи бўлинишда эса ҳар бир янги ядро яна бўлинади, аммо 
эндиликда хроматидадан ҳосил бўлган хромосома ажралади, шу сабабли 
митоз типида бўладиган иккинчи бўлинишни эквацион бўлиниш деб 
аталади. Бинобарин, мейоз бўлинишга киришган ҳар бир ҳужайра кетма-
кет икки бўлинишдан сўнг гаплоид сондаги хромосомага эга бўлган тўртта 
ҳужайра ҳосил бўлади. Органоидлар мейозда митозда бўлгани каби 
ҳужайралар ўртасида тасодифан тақсимланадилар. 
Организмларнинг жинссиз кўпайиши вақтида ирсий ахборотнинг 
бир ҳужайра авлодидан кейинги авлод ҳужайрасига ўтказилиш механизми 
– митозни жинсий кўпайиш вақтидаги ана шундай механизм бўлган мейоз 
билан ўзаро таққослаш 5-жадвалда келтирилган.
Хромосомалар фаолияти ҳужайранинг митоз ва мейоз бўлиниб 
кўпайишлари – янги авлод ҳужайралар ҳосил қилиниши жараёнида амалга 
оширилади. Шу сабабли ҳар икки бўлинишнинг биологик аҳамияти катта.