Махсус таълим вазирлиги мирзо улуғбек номидаги

Зиготен
босқичда гомологик хромосомалар конъюгацияланиб, яъни 
бир-бирига туташиб 
синапсис
ҳосил қиладилар. Бу жуда муҳим генетик 
ҳодисаси бўлиб гомологик хромосомаларнинг айрим қисмлари билан ўрин 
алмашиниш яъни 
кроссинговер
ҳодисасининг рўй беришига имкон 
яратади. Икки ўзаро туташган бундай хромосомалар 
бивалент
деб 
аталади. Шундай қилиб, бивалент тўртта хроматидадан ташкил топади. Ўз 
ўлчами, шакли билан бир-бирига ўхшаш бўлган хромосомалар жуфти 
гомологик хромосомалар
деб аталади. Бир жуфт хромосома иккинчи 
жуфт хромосомадан фарқ қиладиган бўлса, уларни 
ногомологик 
хромосомалар деб аталади. 
Пахитен (
йўғон иплар босқичи) ҳар бири икки хроматидадан
 
ташкил 
топган конъюгацияланувчи хромосомалар гаплоид сонли бивалентлар 
ҳосил қилиш билан характерланади. Бу босқичда хромосоманинг 
хромомерали тасвири яхши фарқланади. Пахитенда синаптик комплекс-
нинг шаклланиши тугалланади. 
Диплотен
босқичида конъюгацияланган гомологик хромосома-
ларнинг 4 та хроматидали бивалентлари яққол кўринади. Бу босқичда 
гомологик хромосомаларнинг айнан ўхшаш қисмларида ўзаро бир-биридан 
узоқлашиш бошланиб, у кейинчалик хромосомаларнинг барча қисмларида 
кузатилади. Хромосомалар бир-биридан ажралаётган вақтда уларнинг 
буралиши содир бўлиб пировардида хиазмалар деб аталган Х-симон 
шаклни оладилар. Хиазмаларнинг мавжудлиги хроматидалар ўртасида 
кроссинговер содир бўлганлигидан дарак беради, яъни уларда айрим 
қисмлари билан ўрин алмашиниш юз берган бўлади. 

---

173 
Диакинез 
босқичида хромосомаларнинг максимал спираллашиши ва 
йўғонлашиши юз беради, натижада хромосомалар калта йўғон таёқча 
шаклига кирадилар. Шу билан профаза I тугайди. 
Метафаза I 
да ядро қобиғи бузилади. Ядрочалар йўқолади. 
Бивалентлар экватор текислигида жойлашиб метафаза пластинкаларини 
ҳосил қилади. Хромосомалар кучли спираллашган яъни калталашган ва 
йўғонлашган. Хромосомаларнинг спираллашиши анафаза I га қадар давом 
этади. 
Анафаза I
да хромосомалар қарама-қарши қутбларга тортилади. 
Мейоз I анафазасининг митоз анафазасидан фарқи шундаки анафаза I да 
битта центромерага уланган иккита хроматидадан ташкил топган 
хромосомалар тарқалади. Алоҳида қайд этиш керакки, ҳар бир жуфтнинг 
(бивалентнинг) оталик ва оналик хромосомаларининг тенг ҳолдалик 
эҳтимоллиги бўйича икки қутбнинг исталган бирига тортилади, агарда 
улардан бири битта қутбга тортилса, иккинчиси албатта бошқа қутбга 
тортилади. Бу маънода гомологик хромосомалар бир-бирига боғлиқдир. 
Аммо гомологик хромосомаларнинг ҳар бир жуфти, бошқасига нисбатан 
мустақил тақсимланиб хромосомаларнинг турли хил комбинацияларини 
келтириб чиқаради. 
Телофаза 
I да хромосомаларнинг қутбларга ажралиши тугалланиб, 
ҳар бир гомологик хромосома тўплами атрофида ядро қобиғи ҳосил бўлади 
ва битта ҳужайрадан иккита янги ҳужайра ҳосил бўлади 
Мейоз I ва мейоз II ўртасидаги интерфаза қисқа муддатли ёки 
умуман бўлмайди. Унинг мейоз I ва митоз интерфазасидан асосий фарқи 
шундаки, унда янги ДНК синтези рўй бермайди.