Ўзбекистон республикаси олий ва ўрта махсус таълим вазирлиги низомий номидаги тошкент давлат педагогика

 
 
 
Мактабгача ёшдаги болалар жамоаси бу болалар боғчасидаги жамоа, 
турмуш тарзи биргаликдаги фаолият асосида бир-бирига боғлиқ мақсад, 
манфаат ва кечинмалар билан тарбиячи раҳбарлигида бирлашган ва уюшган 
болалар гуруҳидир. Мактабгача тарбия ёшдаги болалар жамоасида тарбиячи 
бош ташкилотчи ролини ўйнайди ва болаларда аста-секин жамоанинг аҳамияти 
ҳақида умумий натижаларга эришишда биргаликда куч-ғайрат сарфлаш 
қувончи ҳақида ҳар бир боланинг жамоа ҳаётидаги роли ҳақида тасаввур ҳосил 
қилади. Мактабгача ёшдаги болаларнинг умумий қувончли кечинмалари, 
биргаликда қилинган мароқли фаолият болалар жамоаси ривожланишининг 
асосидир. Мактабгача тарбия ёши охирларига борганда мактабгача ёшдаги 
болалар гуруҳида тарбия тўғри йўлга қўйилган бўлса, ҳамкорлик, ўзаро ёрдам, 
масъулиятлилик каби хусусиятлар намоён бўлади. Шундай қилиб, жамоа 
кишиларнинг муайян гуруҳи бўлиб, у ижтимоий аҳамиятга эга бўлган мақсад 
ҳамда мазкур мақсадни амалга ошириш учун йўналтирилган фаолиятни ташкил 
этади. Ушбу гуруҳ аъзолари ўзаро бирлик, аъзоларининг муносабатлар 
жараёнидаги тенглик асосида унга раҳбарлик қилиш ва бир-бирига бўйсуниш, 
шунингдек, жамоа олдидаги жавобгарлик асосида муайян фаолиятни олиб 
борадилар. Жамоа ва уни шакллантириш педагогик фаолиятнинг мақсади 
ҳисобланади. Жамоанинг етакчи тарбиявий вазифаси шахсни ҳар томонлама 
тарбиялаш унда ижобий сифатларини ҳосил қилиш мустаҳкам ҳаётий вазиятни 
қарор топтиришдан иборат. 
Болалар жамоаси тарбиячи педагог ҳамда болалардан иборат жамоанинг 
мураккаб бирлашмаси ўз-ўзини назорат, ўз-ўзини бошқарув жараёнини ташкил 
этувчи мустақил тизим, шунингдек, ўзининг психологик муҳитига ва 
анъаналарига эга гуруҳ ҳисобланади. Бугунги кунда педагог олимлар (Л.И. 
Новиков ва бошқ.) болалар жамоаси ривожланиш жараёнини таҳлил қилар 
экан, уни қуйидаги уч жиҳатига эътибор берадилар:
а) жамоани дастлабки шакллантириш;