K I m y o ki my oga oi d atama lar etimilo gi ya si

Prometiy    
Aslida kimyogarlar neodim va samariy elementlari orasidagi katakni to‘ldirishi zarur 
bo‘lgan  sirli  siyrak  yer  elementini  qidirish  asnosida  prometiyni  bir  necha  marta  «kashf 
etishgan». O‘sha «kashfiyotlar» asnosida, prometiyning turli davrlarda turlicha nomlari ham 
bo‘lgan. Masalan, u Illinoys universiteti sharafiga  «illiniy»; Florensiya universiteti sharafiga 
«florensiy»; siklotronda kashf qilingani uchun «sikloniy» kabi nomlar bilan ham atalgan paytlar 
bo‘lgan. Lekin, o‘sha «kashfiyot»larning birortasi ham amaliy isbotlanmagan va dalillar bilan 
tasdiqlangan emas edi (shu sababli ham ular haqida qo‘shtirnoq ichida yozildi). Lantanoidlar 
qatoridagi yetishmayotgan elementni birinchi bo‘lib 1947-yilda AQSHlik kimyogarlar Jeykob 

---

31 
 
Marinski,  Lourens Glendenin va Charlz Koriell tomonidan aniqlandi. Ular, yadro reaktorida 
uran
ning  parchalanishidan  qoldiq  qolgan  xromatogarfik  mahsulotlarni  o‘rganish  chog‘ida 
ushbu  elementni  ochishgan  edi.  O‘shandayoq,  avvalgi  «kashfiyotchi»larning  nima 
omadsizlikka  sababdan  yo‘liqqani  ma’lum  bo‘ldi.  Chunki,  mazkur  elementning  hamma 
izotoplari  radioaktiv  bo‘lib,  ularning  yarim  yemirilish  davri  ham  nisbatan  qisqa  ekan. 
Elementga prometiy deb nom berishni, olimlardan biri, ya’ni, Koriellning xotini taklif qilgan. 
Yunon  afsonalarida  Prometiy  ismli  qahramon  ma’budlardan  olovni  o‘g‘irlab,  yerdagi 
odamlarga keltirib beradi. Bunda Koriellning xotini, yadro reaktorining kuch-qudratiga urg‘u 
bergan deyiladi manbalarda.