K I m y o ki my oga oi d atama lar etimilo gi ya si

Ipso- 
Aromatik  birikmalarda  vodoroddan  boshqa  o‘rin  almashinuvchi  ishtirok  etadigan 
reaksiyalar nomida qo‘llaniladi. 
Kata- 
Bu old qo‘shimcha yoki pastga tomon harakatni (masalan, kation); yoxud, nimagadir 
nisbatan  qarshilik  qilish  harakatini  bildiradi.  Shuningdek,  uning  kuchaytirish,  qo‘llab-
quvvatlash ma’nosini beradigan terminlari ham bor. Xususan, «katalizator» termini shunday 
ma’noda.    
Krio- 
Yunoncha  kryos  -  «sovuq»  so‘zidan  olingan  bu  old  qo‘shimcha,  past  haroratlar  va 
sovitish texnikasi bilan bog‘liq terminlar tarkibida uchraydi. Masalan, kriogenika, krioskopiya, 
kriobiologiya va ho kazolarni esga olish mumkin.  
Ksanto- 
«Sariq»  so‘zi  yunon  tilida  xanthos  deyiladi.  Old  qo‘shimcha  sifatidagi  ksanto-  esa 
odatda,  turli  minerallar,  hamda,  organik  birikmalarning  nomlarida  uchraydi.  Albatta,  sezib 
turganingizdek, ushbu minerallar, yoki organik birikmalarning yoki o‘zi sariq rangda bo‘ladi; 
yoki,  ulardan  olinadigan  mahsulotlar  sariq  rangda  bo‘ladi.  Masalan,  ksantozit,  ksantokonit, 
ksantoksenit,  ksantofillit  singari  minerallar  haqiqatan  ham  sariqdir.  Organik  birikmalarga 
kelsak,  ksantogent  kislotalarning  tuzlari  va  efirlari  sariq  tusda  bo‘ladi;  shuningdek,  ksantin 
bo‘yoqlari haqida ham kimyo adabiyotlarida ro‘para kelib qolishingiz mumkin.  
Oqsillarga  konsentratsiyalangan  azot  kislotasi  bilan  ta’sir  qilish  orqali  yuzaga 
keladigan sifat reaksiyasini ham kimyogarlar ksantoprotein reaksiyasi deb yuritishadi. Sababi, 

---

96 
 
bunda, azot kislotasi ta’sirida, oqsil sariq rangga kira boshlaydi. Dorishunoslar esa ksantinol 
nikotinat nomli dori vositasi haqida bilishsa kerak.  
Mezo- 
Biror terminda mezo- old qo‘shimchasi bormi, demak, bilingki, u nimaningdir, oraliq, 
o‘rtadagi  qismini  ifodalaydi.  Chunki,  yunon  tilida  mesos  so‘zi  aynan  «oraliq»,  «o‘rtadagi» 
degan ma’noni beradi. Masalan, mezosfera – atmosferaning o‘rta qatlamidir. Kimyoda esa, u 
bir-birini kompensatsiyalovchi bir necha asimmetrik markazlarga ega bo‘lgan birikmalarning 
nomida uchraydi va bunday birikma odatda, optik jihatdan nofaol bo‘ladi (masalan, mezovin 
kislotasi). Polisiklik birikmalar nomida esa, mezo- old qo‘shimchasi o‘rin almashinuvchining 
siklning o‘rtasida joylashishini bildiradi (masalan, antratsen).