Б. Ш. Ризаев,Б. Б. Хасанов муҳандислик геологияси

9.4 Муҳандислик - геологик қидирув ишларида қўлланиладиган геофизикавий
текшириш усуллари.
Геофизикавий текшириш усуллари ёрдамчи усуллар бўлиб, геологик қидирув ишлари билан
бирга олиб борилади ва кўп ҳолларда шурф қазиш, пармалаш ишларини ҳажмини камайтиради.
Бу усуллар ёрдамида тоғ жинсининг физика – механикавий хоссаларини, химиявий таркибини,
ер ости сувларини тарқалиш шароитини ва йўналишини, физикавий - геологик ва муҳандислик -
геологик жараёнларни ва бошқаларни ўрганиш мумкин.
Муҳандислик геологик ишларида, асосан, геофизикавий текшириш усуллари электрометриядан
ва сейсмометриядан кенг фойдаланилади.
Сейсмометрия усули суньий ҳосил қилинган ва табиий йўл билан ҳосил бўлган тўлқинларнинг
тоғ жинсларидан ўтиш тезлигига асосланган.

---

Кейинги пайтда бир каналли микросейсмик ускуналардан фойдаланиб, тоғ жинси
қатламларининг қалинлиги, дарёнинг эски ўзанлари туби, грунт сувларининг ётиш чуқурлиги
аниқланмокда.
Мураккаб геологик тузилишига эга бўлган шароитда сейсмометрия усуллари яхши натижа
бермайди.
Электроразрядка усуллари тоғ жинси массивларида ҳосил бўлган табиий ва сунъий электрик
майдонни ўрганишга асосланган.
Ҳар бир тоғ жинси ўзига хос солиштирма қаршиликка эга бўлади, бу эса тоғ жинслари
қирқимини ўрганишга асосий параметр бўлиб хизмат қилади.
Муҳандислик - геологик ишларда электрометрия текшириш усулларидан: вертикал электр
зондлаш, (ВЭЗ, электрик-профилли (ЭП), табиий полимерланиш (ЕП) усулларидан кенг
фойдаланилмокда.
Бу усуллар асосида ер ости сувларининг ётиш чуқурлигини, сурилмаларнинг сурилиш
текислигини, ҳар хил литологик таркибга эга бўлган қатлам чегараларини аниқлаш мумкин.
Геофизикавий ишларнинг кўпчилигини ВЭЗ, ВП, ЭП ва бошқалар геодезик ишлар натижасида
олдиндан тайёрланган турларда ёки йўналишларда олиб борилади.
Геофизикавий ишлар натижалари шу районда қазилган шурф ёки бурғ қудуқ билан таққослаб
кўрилиб, улар берган маълумотларнинг тўғрилигига ишонч ҳосил килинади. Бу эса муҳандислик-
геологик ишларни арзонлаштиради ва катта иқтисод килишга имкон беради.