Microsoft Word Қўнғироқлар устаси docx

Шу муносабат билан сизга саволим бор: сиз бу китобда учратган масалаларни 
тўлиқ ва юз фоизга бажардингизми? 
Агар сиз ишонч билан «ҳа» деёлмасангиз, лекин ҳали ҳам натижага эришишга умид 
қилсангиз, орқага қайтиб, уларни бажаринг. Ахир сизни биргина одам - мижоз текширишини 
яхши тушунасиз. 

---

Тайёргарликнинг асосий воситаси бу машқ. 
Билимлар муҳим, лекин улар ўз ўзидан ишламайди, бунинг учун кўникмалар ҳам талаб 
этилади. Тасаввур қилинг: янги ўқувчи сузиш бўйича қўлланмани ўқиб чиқди, тренернинг 
видеокурсини томоша қилди, аммо машқларга келмади. У қандай натижага эришади? У 
сузишни ўргана олмайди! 
Биласизми нима учун кўпчилик машқ қилмасликни маъқул кўради? Чунки қилмаслик 
доим қилишдан кўра осон. 
Сиз барча усулларни (суҳбат қоидаларини), сўнгра алгоритмни яхши ишлаб 
олишингиз керакки, улар кўникмага айлансин ва сиз уларни суҳбатнинг исталган босқичида 
ўйлаб ўтирмасдан қўллай олинг! 
II. Алоқа. Алоқанинг мақсади ижобий биринчи таассурот қолдириш (Таассурот 
қолдириш, 5 боб)! 
Алоқанинг асосий қуроли алгоритм ва алоқа ўрнатиш қобилияти (Номлаш қоидаси, 10 
боб). 
Алоқага киришиш - суҳбатнинг энг боши. Биринчи ижобий тассурот қолдиришдан 
бўлак бошқа мақсад бўлиши мумкин эмас! 
Статистикага кўра, харидорларнинг 80 фоизи профессионал сотувчининг олдига 
боришни ҳудди тиш шифокорига боришдек қабул қилишади. Нима сабабдан? Чунки одамлар 
малакали сотувчи ўқиган бўлиши ва мижоз кассагача етиб бормагунча қўймаслигини яхши 
тушунишади. 
Сизнинг рақамларингизни терган мижоз илк сониялардаёқ сотишни бошлашингизни 
ақлан кутади! Унинг ўйлаганларини пучга чиқаринг, сиздан “қўрқмаслигига” кўмаклашинг! 
Маҳсулот ҳақида гапирманг, харид қилиш ва сотиш сўзларини қўлламанг, мижоз тўғрисида 
сўранг! Максимал даражада ижобий таасурот уйғотинг: саломлашинг, қўшилинг, бир жуфт 
оддий савол беринг «ёки/ёки» ва танишинг! Буларнинг барчаси алоқа ўрнатиш учун керак! 
Ёдда тутинг, телефонда илк таасурот саломлашиш вақтида уйғонади ва кейинги 15 сония 
ичида мустаҳкамланади, кейин эса умуман ўзгармайди.