O`zbekiston respublikasi sog`liqni saqlash vazirligi toshkent farmatsevtika instituti

8- MAHALLIY VA CHET ELDAN KIRIB KELAYOTGAN DORI 
VOSITALARINI RO‘YXATDAN O‘TKAZISH TARTIBI 
 
9-10- MA’RUZA.YAXSHI ISHLAB CHIQARISH AMALIYOTI (GMP). 

---

 
 
Ma’ruza rejasi: 
1. Dori vositalarini yaxshi ishlab chiqarish amaliyotining asosiy talablari. 
2. Yaxshi ishlab chiqarish amaliyoti sifat nazorati 
3. Mahsulot sifatining sharhi 
4. Xodimlarni tayyorlash, Rahbar xodim vazifasi  
5. Xodimlarni o’qitish, Xodimlarni shaxsiy gigiyenasi 
6. Ishlab chiqarish asbob uskunalarini tayyorlash 
 
Tayanch so’z va iboralar: GMP, Gost, Ost, toza xona, dori modda, dori shakli, 
validatsiya, xodimlar, kiyim-bosh, asbob-uskuna, toza xonalar 
Dori  vositalarini  ishlab  chiqarish  uchun  litsenziyaga  ega  bo‘lgan  ishlab 
chiqaruvchi  korxonalar  dori  vositalarining  belgilangan  vazifasiga,  ro‘yxatdan 
o‘tkazish  hujjatlariga  muvofiq  bo‘lishini,  bemorlar  uchun  havfsizligini  ta’minlagan 
holda, dori vositalarining sifati yoki samaradorligi etarli bo‘lmaganligi bilan bog‘liq 
bo‘lgan havfga yo‘l qo‘ymasdan ishlab chiqarishlari lozim. 
Sifatni  ta’minlash  rahbariyatning  asosiy  vazifasi  hisoblanadi  va  ishlab 
chiqaruvchi-korxonaning  turli  bo‘linmalari  yoki  kompaniyaning  barcha  darajadagi 
hodimlarining,  shuningdek,  yetkazib  beruvchilar  va  distribyutorlarning  ishtirokini  
va  javobgarligini  talab  qiladi.  Buning  uchun  atroflicha  ishlab  chiqilgan  va  to‘g‘ri 
yuritilgan  sifatni  ta’minlash  tizimi  shakllantirilib,  u  yaxshi    ishlab  chiqarish 
amaliyotini, sifat nazoratini va sifat uchun xavfni boshqarishni o‘z ichiga olgan bo‘lishi 
lozim.  Bu  tizim  to‘liq  hujjatlashtirilishi,  uning  samaradorligi  esa  nazorat  qilinishi 
lozim. Sifatni ta’minlash tizimining barcha tarkibiy qismlari tegishli tarzda malakali 
xodimlar,  etarli  miqdorda  tegishli  binolar,  jihoz-uskunalar  va  texnik  vositalar  bilan 
ta’minlangan  bo‘lishi  lozim.  Ishlab  chiqarish  faoliyatiga  litsenziya  olgan  litsenziat  
va vakolatli shaxs(lar) qo‘shimcha ravishda huquqiy javobgar sanaladi. 
Sifatni ta’minlash, yaxshi ishlab chiqarish amaliyoti, sifat nazorati va sifat uchun 
xavfni  boshqarishning  asosiy  g‘oyalari  o‘zaro  bog‘liq.  Dori  vositalarini  ishlab 
chiqarish  
va nazorat qilishda ularning bog‘liqligini va muhim ahamiyatini ta’kidlash uchun ular 
mazkur qo‘llanmada bayon qilingan.