O`zbekiston respublikasi sog`liqni saqlash vazirligi toshkent farmatsevtika instituti

Sifat nazorati  
Sifat  nazorati –  bu  yaxshi  ishlab  chiqarish  amaliyotining  bir  qismi  bo‘lib, o‘z 
ichiga namunalarni tanlash, spetsifikatsiyalarni rasmiylashtirish va sinovlar o‘tkazish, 
shuningdek  ishlab  chiqarishni  tashkillashtirish,  hujjatlashtirish  va  ruxsat  berish 
jarayonlarini qamrab oladi. Bu jarayonda haqiqatan barcha zarur va tegishli sinovlar 
o‘tkazilganligini va xom ashyo va materiallarning ishlatilishiga va  tayyor mahsulot 
realizatsiyaga  yoki  etkazib  berishga  ularning  sifati  qoniqarli  deb  tan  olinmagunga 
qadar ruxsat etilmasligini kafolatlanadi.  
Sifat nazoratigaquyidagiasosiy talablar qo‘yiladi: 
a)  zarur  binolar  va  asbob-uskunalar,  o‘lchov  vositalari,  o‘qitilgan  xodimlar  va  xom 
ashyo,  o‘rab-joylash  materiallari,  oraliq,  qadoqlanmagan  va  tayyor  mahsulotlar 
namunalarini  tanlab  olish,  nazorati  va  sinovi,  shuningdek,  zarur  hollarda,  mazkur 

---

 
standartni  bajarish  maqsadida  atrof-muhitni  nazorat  qilish  uchun  tasdiqlangan 
uslublarning mavjudligi; 
b)  xom ashyo, o‘rab-joylash materiallari, oraliq, qadoqlanmagan va tayyor mahsulotlar 
namunalarini  tanlab  olish  sifat  nazorati  bo‘limi  tomonidan  tasdiqlangan  xodimlar 
tomonidan va tegishli usullar bilan amalga oshiriladi; 
v) sinov usullari validatsiyadan o‘tishi lozim; 
g) namunalarni tanlab olish, nazorat qilish va sinov uslublari bo‘yicha barcha tadbirlar 
haqiqatan  amalga  oshirilganligini  hujjatlar  asosida  tasdiqlovchi  bayonnomalr 
(qo‘lyozma  usulida  va/yoki  yozib  oladigan  asbobdan  foydalangan  holda)  tuzilishi 
lozim.  Barcha  keskin  chetlanishlar  to‘liq  bayonnomalashtirilgan  va  o‘rganilgan 
bo‘lishi lozim; 
d)  tayyor  mahsulot  tarkibiga  sifat  va  miqdor  tarkibi  bo‘yicha  ro‘yxatdan  o‘tkazish 
hujjatiga muvofiq bo‘lgan faol ingredientlar va yordamchi moddalar kirishi lozim; ular 
talab etilgan tozalik darajasiga  ega bo‘lishi, to‘g‘ri o‘rab-joylangan va yorliqlangan 
bo‘lishi lozim; 
e) 
mahsulotni 
baholash 
tegishli 
ishlab 
chiqarish 
hujjatlarini 
sharhlash  
va  baholashni,  hamda  belgilangan  uslublardan  chetlanishlarni  baholanishini  qamrab 
olishi lozim. Xom ashyo, materiallar, oraliq, qadoqlanmagan va tayyor mahsulotlarni 
nazorat  qilish  va  sinov  natijalari  bo‘yicha  tuzilgan  bayonnomalar  spetsifikatsiya 
talablari bilan rasman taqqoslangan bo‘lishi lozim; 
j)  tayyor  mahsulotlarning  hech  bir  seriyasini,  uning  ro‘yxatga  olish  hujjatlari  
va  ishlab  chiqarish  litsenziyasi  talablariga  muvofiq  kelishini  vakolatli  shaxs 
tasdiqlamaguniga qadar sotish va etkazib berishga ruxsat berilmaydi; 
z) mahsulot sinovini o‘tkazishga imkon beradigan darajada etarli miqdorda xom ashyo 
va  preparatlarning  nazorat  namunalarini  saqlab  qo‘yish    zarur  (zarur  hollarda); 
preparatni yakuniy o‘ramda saqlash lozim, juda katta o‘ramlar bundan mustasno.