Молиявий ҳисоботнинг концептуал асоси

Фойдали молиявий ахборотнинг сифат хусусиятлари
СХ4 
Агар молиявий ахборот фойдали бўлиши керак бўлса, у ўринли бўлиши ва тақдим этишни мақсад 
қилган нарсани ишончли тақдим этиши керак. Молиявий ахборот агар у қиёсланувчан, 
текширилувчан, ўз вақтида ва тушунарли бўлса фойдалилиги ошади. 
Фундаментал сифат хусусиятлари
СХ5 
Асосий сифат хусусиятлари ўринлилик  ва ишончли тақдим этишлардир.
Ўринлилик
СХ6 
Ўринли молиявий ахборот фойдаланувчилар қабул қиладиган қарорларни ўзгартириш қобилиятига 
эга бўлади. Ҳатто баъзи фойдаланувчилар ундан фойдаланмасликка қарор қилган ёки ушбу ахборот 
уларга бошқа манбалардан маълум бўлган ҳолатларда ҳам ахборот қарорларни ўзгартириш 
қобилиятига эга бўлиши мумкин. 
СХ7 
Молиявий ахборот агар у башорат қилиш, тасдиқлаш ёки иккаласи учун ҳам аҳамиятга эга бўлса, у 
қарорларни ўзгартириш қобилиятига эга бўлади. 
СХ8 
Молиявий ахборот, агар ундан фойдаланувчилар келгусидаги натижаларни олдиндан айтиш учун 
қўлланиладиган жараёнларда дастлабки маълумотлар сифатида ишлатилиши мумкин бўлса, у 
башорат қилиш учун аҳамиятга эга бўлади. Башорат қилиш учун аҳамиятга эга бўлиш учун 
молиявий ахборот башорат ёки прогноз бўлиши шарт эмас. Башорат қилиш аҳамиятига эга бўлган 
молиявий ахборотни фойдаланувчилар ўзларининг башоратларини амалга оширишда ишлатади.
3
Ушбу Концептуал асоснинг жамики матнида, сифат хусусиятлари ва чеклов атамалари фойдали 
молиявий ахборотнинг сифат хусусиятлари ва чекловларини билдиради. 

---

Концепутал асос 
14 
©
МҲХС Фонди
СХ9 
Молиявий ахборот агар у олдинги қилинган баҳолашлар ҳақида маълумот берса (уларни тасдиқласа 
ёки ўзгартирса), у тасдиқлаш учун аҳамиятга эга бўлади.
СХ10 
Молиявий ахборотнинг башорат қилиш учун ва тасдиқлаш учун аҳамияти бир-бирига боғлиқ. 
Башорат қилиш аҳамиятига эга бўлган ахборот кўпинча тасдиқлаш аҳамиятига ҳам эга бўлади. 
Масалан, жорий йилнинг даромадлари тўғрисидаги ахборот, келгуси йиллардаги даромадларни 
олдиндан билиш учун асос сифатида хизмат қилиши мумкин, ҳамда олдинги йилларда қилинган 
жорий йил даромади истиқболи билан солиштирилиши мумкин. Бундай солиштиришларнинг 
натижалари фойдаланувчиларга олдинги истиқболларни белгилашда қўлланилган жараёнларни 
тўғрилаш ёки яхшилашга ёрдам бериши мумкин.
Муҳимлик
СХ11 
Ахборот, агар унинг тушириб қолдирилиши ёки бузиб кўрсатилиши маълум ҳисобот берувчи 
тадбиркорлик субъекти тўғрисидаги молиявий ахборот асосида фойдаланувчилар томонидан қабул 
қилинадиган қарорларга таъсир қилиши мумкин бўлса, у муҳим деб ҳисобланади. Бошқача айтганда, 
муҳимлик, алоҳида тадбиркорлик субъектининг молиявий ҳисоботи доирасидаги ахборотга тегишли 
бўлган моддаларнинг моҳияти ва катталиги ёки иккаласига ҳам асосланган, тадбиркорлик 
субъектига хос бўлган ўринлиликнинг битта жиҳатидир. Шундай экан, Кенгаш муҳимликнинг ягона 
миқдорий меъёрини белгила олмайди ёки алоҳида вазиятда нима муҳим бўлиши мумкинлигини 
олдиндан аниқлай олмайди.