Өзбекстан Республикасы Жоқары ҳәм орта арнаўлы

Tekst bo`legin ajratiw ha`m shrift ornatiw.
Teksttin` qandayda bir bo`legi u`stinde a`meller orinlaw ushin oni aldin ajratiw
kerek. Ajiratiliwshi bo`lek qatarlar yaki qatardin` belgili bir bo`legi boliwi mu`mkin.
Qatardi tekstten ajiratiw ushin, usi qatar basina ko`rsetkish keltiriledi ha`m F3 tu`ymesi
basiladi ha`m ↑, ↓, Home, End tu`ymeleri ja`rdeminde kerekli bo`legi ajiratiladi.
Ajiratilg`an bo`legin o`shiriw yaki karmang`a aliw ushin “Ctrl”+F3” tu`ymeleri birgelikte
basiladi.
Qatardin` belgili bir bo`legi ajiratiliwi kerek bolsa ko`rsetkish ajiratiliwi kerek
bolg`an bo`limge keltiriledi, son` Shift+F3 tu`ymeleri basiladi ha`m →, ←, ↑, ↓
tu`ymeleri ja`rdeminde kerekli tekst bo`legine bariladi. Ajiratilg`an bo`legin o`shiriw
yaki karmang`a aliw Ctrl+F3 tu`ymeleri ja`rdeminde a`melge asiriladi. Ajiratiwdi
biykarlaw F4 tu`ymesi ja`rdeminde orinlanadi yaki menyudan «Fragment» ba`ndi
tan`lanip, «Enter» tu`ymesi basiladi, son` «Snyat Vıdelenie» ba`ndine ko`rsetkish
keltirilip «Enter» basiladi.
Tekst bo`legin ajiratiwda «Fragment» menyusinda «Vıdelit» ba`ndi ja`rdeminde
orinlaniwi mu`mkin.

---

61
Karmang`a aling`an tekst yaki tekst bo`legin kopiyalaw yaki basqa oring`a ornatiw
ushin, ko`rsetkish tekst kopiyalanip atirg`an bo`legine keltiriledi, son` Shift+F4 tu`ymesi
basiladi.
Ajiratilg`an tekst bo`leginde shriftti o`zgertiriw de mu`mkin:
Alt+F2 – astina sizilg`an jag`dayg`a o`tkiziw;
Alt+F3 – qiya (kursiv) shriftina o`tkiziw;
Alt+F4 – Qalin` shriftqa o`tkiziw.
Ajiratilg`an tekst bo`legin xat basi siyaqli formatlaw (Ctrl+F8), shepke su`riw
(Ctrl+F5), on`g`a su`riw (Ctrl+F6), ortag`a aliw (F8), abzatstin` shep chegarasina jiljitiw
(Alt+F5) abzatstin` on` shegarasina jiljitiw (Alt+F6), pechatqa shig`ariwdi «Tekst»,
«Pechat» ba`ndleri ja`rdeminde orinlaw mu`mkin.
Shriftti ornatiwda onin` ta`rtibinen ha`m paydalaniw mu`mkin. «Alt+F1» tu`ymeleri
bir waqitta basilg`anda leksikon shrift ta`rtibin kiritiwdi soraydi Bunday jag`dayda
to`mendegilerden birewi ko`rsetilgen maqsetke beriledi.:
0 – a`piwayi shrift;
1 – qiya kursiv shrift;
2 – qalin` shrift;
3 – qalin` qiya shrift;
4 – to`mengi indeksler;
5 – joqarg`i indeksler;
7 – grek ha`rpleri ha`m matematik belgiler.