O’zbekiston respublikasining soliq kodeksi I bo’lim. Umumiy qoidalar

19-modda. Maxsus soliq rejimlari 
O’zbekiston Respublikasi hududida quyidagi maxsus soliq rejimlari 
belgilanadi: 
1) aylanmadan olinadigan soliq;
2) mahsulot taqsimoti to’g’risidagi bitimlar ishtirokchilariga soliq solishning 
alohida tartibi; 
3) maxsus iqtisodiy zonalar ishtirokchilariga va chet el investitsiyalari 
ishtirokidagi korxonalarga soliq solishning alohida tartibi. 
Maxsus iqtisodiy zonalar ishtirokchilari va chet el investitsiyalari ishtirokidagi 
korxonalar uchun maxsus soliq rejimlari qonun hujjatlarida yoki investitsiya 
bitimlarida nazarda tutilgan investitsiyalarni amalga oshirish hamda boshqa 
shartlarni bajarish bilan bog’liq holda muayyan muddat uchun belgilanadi. 
Maxsus soliq rejimlari ayrim soliqlarni to’lashdan ozod etishni, shuningdek 
pasaytirilgan soliq stavkalarini va boshqa soliq imtiyozlarini qo’llash nazarda tutishi 
mumkin. 
3-bob. Soliq munosabatlarining sub’ektlari, ularning huquqlari va 
majburiyatlari 
20-modda. Soliq munosabatlarining sub’ektlari 
 
Soliq to’lovchilar, soliq agentlari va vakolatli organlar soliq munosabatlarining 
sub’ektlari deb e’tirof etiladi. 
21-modda. Soliq to’lovchilar 
 

---

11 
Belgilangan soliqlar va yig’imlarni to’lash majburiyati ushbu Kodeksga 
muvofiq zimmasiga yuklatilgan yuridik va jismoniy shaxslar soliq to’lovchilar deb 
e’tirof etiladi. 
Yuridik shaxslarning alohida bo’linmalari mazkur shaxslarning soliqlar va 
yig’imlarni to’lash bo’yicha majburiyatlarini ushbu Kodeksda nazarda tutilgan 
hollarda va tartibda yuridik shaxslarning alohida bo’linmalari joylashgan joyi 
bo’yicha bajaradi. 
Ushbu Kodeksda nazarda tutilgan hollarda yuridik shaxs tashkil etmagan 
holdagi chet el tuzilmalari soliq to’lovchilar deb e’tirof etiladi.