14
bo’lgan kundan e’tiboran bir oy ichida soliq organlariga yozma ravishda xabar
qilishi;
3) hisoblangan va to’langan daromadlarning, hisoblab chiqarilgan,
ushlab
qolingan va byudjet tizimiga o’tkazilgan soliqlarning hisobini har bir soliq to’lovchi
bo’yicha alohida yuritishi;
4) soliqlarning to’g’ri hisoblab chiqarilishi, ushlab qolinishi va o’tkazilishi
ustidan nazoratni amalga oshirish uchun zarur bo’lgan hujjatlarni soliq organlariga
taqdim etishi;
5) soliq hisobotlarining hamda soliqlarni hisoblab chiqarish, ushlab qolish va
o’tkazish uchun zarur bo’lgan boshqa hujjatlarning ushbu Kodeksning 91-
moddasida nazar tutilgan da’vo muddati mobaynida saqlanishini ta’minlashi shart.
Soliq agentlari ushbu Kodeksda nazarda tutilgan boshqa majburiyatlarni ham
o’z zimmasiga oladi.
Soliq agenti o’z zimmasiga yuklatilgan majburiyatlarni bajarmaganligi yoki
lozim darajada bajarmaganligi uchun O’zbekiston Respublikasi qonun hujjatlariga
muvofiq javobgar bo’ladi.
25-modda. Soliq to’lovchining vakillari
Agar ushbu Kodeksda boshqacha qoida nazarda tutilmagan bo’lsa, soliq
to’lovchi soliq munosabatlarda qonuniy yoki vakolatli vakil orqali ishtirok etishga
haqli.
Vakilning vakolatlari ushbu Kodeksga va boshqa qonun hujjatlariga muvofiq
hujjat bilan tasdiqlangan bo’lishi kerak.
Qonunga yoki yuridik shaxsning ta’sis hujjatlariga asosan uning vakili
bo’lishga vakolatli shaxslar yuridik shaxs bo’lgan soliq to’lovchining
qonuniy
vakillari deb e’tirof etiladi.
O’zbekiston Respublikasining fuqarolik qonun hujjatlariga muvofiq soliq
to’lovchi bo’lgan jismoniy shaxsning konuniy vakillari sifatida ishtirok etadigan
shaxslar uning vakillari deb e’tirof etiladi.
Yuridik shaxs qonuniy vakillarining ushbu yuridik shaxs soliq munosabatlarida
ishtirok etishi munosabati bilan amalga oshirgan harakati (harakatsizligi) mazkur
yuridik shaxsning harakati (harakatsizligi) deb e’tirof etiladi.
Soliq organlari,
bojxona organlari, soliq munosabatlarining boshqa
ishtirokchilari bilan munosabatlarda soliq to’lovchining manfaatlarini ifodalashga
belgilangan tartibda soliq to’lovchi tomonidan vakolat berilgan shaxslar, shu
jumladan soliq maslahatchilarining tashkiloti soliq to’lovchining vakolatli vakili deb
e’tirof etiladi.
Soliq to’lovchi bo’lgan yuridik shaxsning vakolatli vakili o’z vakolatlarini,
agar ushbu Kodeksda boshqacha qoida nazarda tutilmagan bo’lsa,
tuzilgan
shartnoma yoki O’zbekiston Respublikasining fuqarolik qonun hujjatlarida
belgilangan tartibda beriladigan ishonchnoma asosida amalga oshiradi.
15
Soliq to’lovchi bo’lgan jismoniy shaxsning vakolatli vakili o’z vakolatlarini
O’zbekiston Respublikasi fuqarolik qonun hujjatlariga muvofiq notarial tarzda
tasdiqlangan ishonchnoma asosida amalga oshiradi.
Qonun hujjatlariga muvofiq soliq, moliya, bojxona
organlarining va boshqa
davlat organlarining mansabdor shaxslari soliq to’lovchilarning vakolatli vakillari
bo’lishi mumkin emas.
Soliq to’lovchilar konsolidatsiyalashgan guruhining mas’ul ishtirokchisi
qonunga asosida soliq to’lovchilar konsolidatsiyalashgan guruhidagi barcha
ishtirokchilarining vakolatli vakili hisoblanadi.
Soliq
to’lovchilarning konsolidatsiyalashgan
guruhini tashkil etish
to’g’risidagi shartnoma qoidalaridan qat’i nazar, ushbu guruhning mas’ul
ishtirokchisi quyidagi huquqiy munosabatlarda mazkur konsolidatsiyalashgan guruh
ishtirokchilarining manfaatlarini ifodalashga haqli:
1) soliq to’lovchilarning konsolidatsiyalashgan guruhini tashkil etish
to’g’risidagi shartnomani soliq organlarida ro’yxatdan o’tkazish, shuningdek
mazkur shartnomani o’zgartirish, uning amal qilish muddatini uzaytirish va
shartnomani tugatish to’g’risidagi qaror bilan bog’liq huquqiy munosabatlarda;
2) soliq to’lovchilarning konsolidatsiyalashgan guruhi ishtirokchisidan soliq
to’lovchilarning konsolidatsiyalashgan guruhi bo’yicha foyda solig’iga doir qarzni
majburiy tartibda undirish bilan bog’liq huquqiy munosabatlarda;
3) yuridik shaxs soliq to’lovchilarning konsolidatsiyalashgan guruhida ishtirok
etganligi munosabati bilan sodir etilgan soliqqa oid huquqbuzarliklar uchun uni
javobgarlikka tortish bilan bog’liq huquqiy munosabatlarda;
4)
soliq
organi
tomonidan
amalga
oshiriladigan
harakatlarning
(harakatsizlikning) xususiyatiga ko’ra ushbu harakatlar soliq to’lovchilar
konsolidatsiyalashgan guruhi ishtirokchisi bo’lgan yuridik
shaxsning huquqlariga
bevosita dahl qiladigan boshqa hollarda.
Soliq
to’lovchilarning konsolidatsiyalashgan guruhini tashkil etish
to’g’risidagi shartnomaning amal qilish muddati tugaganda, ushbu shartnoma
muddatidan ilgari bekor qilinganda yoki tugatilganda ushbu guruhning mas’ul
ishtirokchisi bo’lgan shaxs ushbu moddaning o’n birinchi va o’n ikkinchi qismlarida
nazarda tutilgan vakolatlarni saqlab qoladi.
Soliq to’lovchilar konsolidatsiyalashgan guruhining mas’ul ishtirokchisi
bo’lgan shaxs ushbu Kodeks bilan o’ziga bu guruhning ishtirokchilari manfaatlarini
ifodalash bo’yicha berilgan vakolatlarni tuzilgan shartnoma yoki O’zbekiston
Respublikasining fuqarolik qonun hujjatlarida belgilangan
tartibda berilgan
ishonchnoma asosida uchinchi shaxslarga o’tkazishga haqli.
Do'stlaringiz bilan baham: 
