O’zbekiston respublikasining soliq kodeksi I bo’lim. Umumiy qoidalar

 
69-bob. Advokatlar hay’atlari, advokatlik firmalari, advokatlik byurolari 
va advokatlarga soliq solishning o’ziga xos xususiyatlari 
 
488-modda. Advokatlarga soliq solish 
Advokatlar hay’ati notijorat tashkilotlari shaklida tashkil etiladi. 
Advokatlar hay’atini saqlab turish va tadbirkorlik faoliyati bo’lmagan 
umumiy vazifalarni bajarish uchun advokatlardan olinadigan mablag’lar qismi 
bo’yicha advokatlar hay’ati yuridik shaxslardan olinadigan foyda solig’ini va 
qo’shilgan qiymat solig’ini to’lovchi hisoblanmaydi. 
Advokatlar hay’ati tomonidan yuridik yordam ko’rsatish bilan bog’lik 
bo’lmagan tadbirkorlik faoliyati amalga oshirilganda, soliqlar va yig’imlar 
tadbirkorlik faoliyatini amalga oshiruvchi yuridik shaxslar uchun ushbu Kodeksda 
nazarda tutilgan tartibda to’lanadi. 
Advokatlik firmalari va advokatlik byurolari soliq solish maqsadlarida 
tadbirkorlik sub’ektlari deb e’tirof etiladi hamda yuridik yordam ko’rsatish bilan 
bog’liq bo’lgan faoliyat qismi bo’yicha soliqlar va yig’imlarni ushbu Kodeksda 
nazarda tutilgan tartibda to’laydi. 

---

441 
 
489-modda. Advokatlar hay’atining advokatlari daromadlariga soliq 
solish 
 
Advokatlar hay’atining advokatlari tomonidan yuridik yordam (xizmat) 
ko’rsatganlik uchun olinadigan gonorarlar summalariga ushbu moddada nazarda 
tutilgan xususiyatlarni hisobga olgan holda mazkur Kodeksning 408-410-
moddalarida belgilangan tartibda jismoniy shaxslardan olinadigan daromad solig’i 
solinadi.
Advokatning daromadlari jismoniy shaxslardan olinadigan daromad solig’ini 
solish ob’ektidir. 
Advokatning daromadi advokat tomonidan yuridik yordam (xizmat) 
ko’rsatilganligi uchun olingan summa bilan advokatlar hay’atlari, advokatlik 
firmalari va advokatlik byurolarini saqlab turish uchun o’tkaziladigan mablag’lar 
summasi o’rtasidagi farq sifatida aniqlanadi. 
Soliq solinadigan baza advokat daromadidan advokat gonorarida hisobga 
olinadigan ijtimoiy to’lov chegirib tashlangan holda aniqlanadi.