O’zbekiston respublikasining soliq kodeksi I bo’lim. Umumiy qoidalar

474-modda. 
Yakka 
tartibdagi 
tadbirkorlarning 
soliq 
bazasini 
aniqlashning o’ziga xos xususiyatlari 
Soliq bazasi deb yakka tartibdagi tadbirkorning ushbu Kodeks 479-moddasiga 
muvofiq hisoblab chiqilgan uning tadbirkorlik faoliyati doirasida olingan yalpi 
daromadi e’tirof etiladi. 
Jismoniy shaxslar uning tadbirkorlik faoliyati bilan bog’liq bitimlarni 
tuzganda, agar bu yaqqollik bilan bitimlarni tuzish holatining o’zidan kelib 
chiqadigan bo’lmasa, u yakka tartibdagi tadbirkor sifatida harakat qilayotganini 
ko’rsatishi shart. 
Soliq solishda yakka tartibdagi tadbirkorning jismoniy shaxslardan olinadigan 
daromad solig’i solinadigan, uning tadbirkorlikni amalga oshirish bilan bog’liq 
bo’lmagan shaxsiy (oilaviy) mol-mulkini sotishdan olingan daromadlari hisobga 
olinmaydi.
475-modda. Yalpi tushumga tuzatish kiritish 
Soliq to’lovchida yalpi tushumga tuzatish kiritish quyidagi hollarda amalga 
oshiriladi: 
1) tovarlar to’liq yoki qisman qaytarilganda; 
2) bitim shartlari o’zgarganda; 
3) baholar o’zgarganda, sotib oluvchi siylovdan (skidkadan) foydalanganda; 
4) ko’rsatilgan xizmatlardan voz kechilganda. 
Ushbu moddaning birinchi qismida nazarda tutilgan yalpi tushumga tuzatish 
kiritish bir yillik muddat doirasida, kafolat muddati belgilangan tovarlar (xizmatlar) 
bo’yicha esa kafolat muddati doirasida amalga oshiriladi. 
Ushbu moddaga muvofiq yalpi tushumga tuzatish kiritish ushbu moddaning 
birinchi qismida ko’rsatilgan hollar yuz berganligini tasdiqlovchi hujjatlar asosida 
amalga oshiriladi. Bunda tovarni (xizmatni) etkazib beruvchi yalpi tushumga 
tuzatish kiritishni ushbu Kodeksning 289-moddasida nazarda tutilgan tartibda 
amalga oshiradi. 
Tovarlarni (ishlarni, xizmatlarni) realizatsiya qilishdan olinadigan daromadga 
ushbu moddaning ikkinchi qismida nazarda tutilgan hollarda tuzatish kiritish 
ko’rsatilgan hollar yuz bergan soliq davrida amalga oshiriladi.