O’zbekiston respublikasining soliq kodeksi I bo’lim. Umumiy qoidalar

8-modda. Soliq solish printsiplari 
Soliq to’g’risidagi qonun hujjatlari majburiylik, adolatlilik, aniqlik, soliq 
tizimining yagonaligi, oshkoralik va soliq organlarining soliq to’lovchilar bilan 
hamkorligi printsiplariga asoslanadi. 
9-modda. Soliq solishning majburiylik printsipi 
Har bir shaxs ushbu Kodeksda belgilangan soliqlarni va yig’imlarni to’lashi 
shart. 
Hech kimning zimmasiga soliqlar va yig’imlarning barcha belgilariga ega 
bo’lgan, biroq ushbu Kodeksda nazarda tutilmagan yoxud uning normalari buzilgan 
holda belgilangan soliqlarni va yig’imlarni to’lash majburiyati yuklatilishi mumkin 
emas. 
10-modda. Soliq solishning aniqliligi va soliq organlarining 
soliq to’lovchilar bilan hamkorligi printsipi 
 

---

7 
Soliqlarni belgilovchi soliq to’g’risidagi qonun hujjatlari soliq to’lovchilarni 
hamda ushbu soliqlarning boshqa barcha elementlarini, shu jumladan ularni to’lash 
muddatlari va tartibini aniqlab berishi kerak.
Soliq organlari va soliq to’lovchilar o’zaro soliq munosabatlarini amalga 
oshirishda hamkorlik qiladi. Soliq organlari va soliq to’lovchilar soliq to’g’risida 
qonun hujjatlarni bir xilda tushunishga erishishi kerak. 
Soliq organlari soliq to’lovchilarning faoliyatiga to’sqinliklar yaratishlari kerak 
emas. Soliq to’lovchilar soliq organlariga o’z majburiyatlarini amalga oshirish 
uchun shart-sharoitlar yaratishi kerak. 
11-modda. Soliq solishning adolatlilik printsipi 
Soliqlar kamsitish xususiyatiga ega bo’lishi mumkin emas hamda ijtimoiy, 
irqiy, milliy, diniy va boshqa shu kabi mezonlardan kelib chiqqan holda qo’llanilishi 
mumkin emas. 
Mulkning shakliga, jismoniy shaxslarning fuqaroligiga yoki mablag’ning kelib 
chiqish mamlakatiga qarab soliqlarning tabaqalashtirilgan stavkalarini, soliq 
imtiyozlarini yoki boshqa afzalliklarni belgilashga yo’l qo’yilmaydi. 
Fuqarolarning o’z konstitutsiyaviy huquqlarini amalga oshirishiga monelik 
qiladigan soliqlarga yo’l qo’yilmaydi.