O’zbekiston respublikasi veterinariya va chorvachilikni rivojlantirish qo’mitasi samarqand veterinariya meditsinasi instituti veteriariya jarrohligi kafedrasi operativ xirurgiya va anesteziologiya fanidan

Plevrani teshish (pleurocentegis).
Ko’rsatma. Diagnostik maqsadda, plevra bo’shlig’idagi ekssudat yoki qon borligi suyuqlikni chiqarib tashlash, shu bilan bir qatorda davolash ishlari olib boriladi. Pnevmotoroksda – ko’krak bo’shlig’ligidagi havoni so’rib olishda qo’llaniladi.
Fiksasiya. Katta hayvonlar tik turgan holda, mayda hayvonlar yotgan holatda.
Bajarish usuli. Sanchish nuqtasi qovurg’alar oralig’idan, chap tomondan yurak joylashishiga qarab, qoramollarda 7-8; otlarda 7-8; it va mushuklarda 8 chi, o’ng tomondan – qoramol – 6 chi, otlarda 6-7 chi, it va mushuklarda 7 chi.
Troakar yoki yo’g’on ignani o’ng qo’limiz bilan ushlab chap qo’limiz bilan terini tortib ko’krakning tashqi venasining ustidan, qon tomir va nervlarga ziyon yetkazmaslik uchun qovurg’aning old tomon qirrasiga qarab katta hayvonlarda 4-6 sm, mayda hayvonlarga 2-3 sm chuqurlikka sanchiladi.


Qovurg’aning rezeksiyasi (kesish).
Ko’rsatma. Ostaomielit, kariyes, o’sma, qovurg’aning sinishi, singan qovurg’aning o’tkir uchi plevra yoki o’pkaning shikastlanish xavfi bo’lgan vaziyatda, bunday Operatsiyani o’tkazish allbatta shart. qovurg’alarning rezeksiyasi asosan ikki usul bilan, suyakusti pardasini ostidan va butunicha (totalnыy) bajariladi. Birinchi usul bo’yicha – faqat qovurg’a suyagi olib tashlanadi, undagi suya kustki parda o’z joyida qoldiriladi. Ikkinchi usul esa olib tashlashga mo’ljallangan qovurg’aning suyak va ustki pardasi bilan birga qo’shib olib tashlanadi.


Qovurg’aning suyakusti pardasini ostidan rezeksiyasi.
Operatsiya doirasini tayyorlab va og’riqsizlantirgandan so’ng tegishli qovurg’aning o’rtasidan uzunasiga teri, teriosti, fassiya, mushak va qovurg’aning yetarli qismi kesiladi. Qovurg’austi pardasini kesishga taalluqli bo’lgan chizig’idan 3-4 sm ortiq bo’lishi albatta zarur (bu katta hayvonlarga xos). Qon oqishlarni to’xtatgandan so’ng qovurg’austi pardaning o’rta qismidan uzunasiga kesiladi. Bu kesuvning yuqori va pastidan qovurg’aga nisbatan ko’ndalang joylashadi. Natijada bu kesilishlar «N» shaklida belgilanadi. Keyin to’g’ri raspator asbobini ishga solib suyakusti parda suyak to’qimasidan asta-sekinlik bilan ajratiladi. Suyakusti pardasini ajratishni oxiriga yetkazish uchun Duayena raspatori orqali ichki tomongi (ko’krak nafas bo’shlig’iga xos) suyakusti pardasini ham suyak to’qimasidan ajratishga kirishadi. Suyakusti pardasini ajratib bo’lgandan so’ng qovurg’a. Qovurg’austi pardani kesuvi tikilmaydi. Kesilgan mushak va atrofdagi biriktiruvchi to’qimalar bir-biriga yaqinlashtirib ketgut bilan tikiladi. Teri yarasini tomonlardan yaqinlashtirib «lo’lali» baxiya o’tkazilib tikiladi.


Mashg’ulot № 21