O’zbekiston respublikasi veterinariya va chorvachilikni rivojlantirish qo’mitasi samarqand veterinariya meditsinasi instituti veteriariya jarrohligi kafedrasi operativ xirurgiya va anesteziologiya fanidan

Bo’yinturuq venasi rezeksiyasi texnikasi
Ko’rsatma. Troboflebit, flebit, paraflebit va kuchli dori vositalarini (kalsiy xlor va boshqalar) noto’g’ri qo’llash natijasida kelib chiqadi.
Fiksasiya. Katta hayvonlarni tik turgan holatda, mayda hayvonlarni yotgan holatda yoki Operatsiya stolida fiksasiya qilinadi.
Og’riqsizlantirish. Mahalliy infiltrasiya usuli qo’llanadi.
Operatsiya texnikasi. Buyinturuq venasining joylashishiga qarab teri, teri osti to’qimalari, o’tkir usulda, buyinturuq venasi yo’nalishi buylab 10-12 sm uzunlikda kesiladi. Buyinturuq vena atrofidagi yuqorigi va pastki ariqcha hosil qilgan muskullar ehtiyotkorlik bilan yuqoriga va pastga ajratiladi. Mayda qon tomirlardan oqayotgan qon tomirlar bog’lanadi. Buyinturuq venasi ajratilgach, uning sog’lom yuqorigi va pastki qismlaridan Deshamp ignasi yordamida ligatura o’tkazilib bog’lam quyiladi. Quyilgan bog’lamdan 0,5-0,8 sm qoldirilib, jarohatlangan vena qon tomiri har ikki tomondan kesib olib tashlanadi. Agarda buyinturuq venasida yiringli jarayonlar kechayotgan bo’lsa, uning patologik o’chog’idan yuqori va pastki tomonidan Deshamp ignasi yordamida ikkitadan bog’lam quyilib, quyilgan bog’lamlar oralig’idan kesib olib tashlanadi. Teridagi yara lablarini bir-biriga yaqinlashtirib uzlukli chok quyiladi. Yarada tuplangan suyuqlikni tortib chiqarish maqsadida dokadan yasalgan tasmali drenaj quyiladi. Ichkarida tuplangan suyuqlikning chiqishi uchun yaraning pastki chekkasini ochiq qoldiramiz. Jarohat ichiga tiqib quyilgan tasmali drenaj har 24 soat ichida almashtirib turiladi.


Mashg’ulot № 19
KO’KRAK DEVORINING ANATOMO-TOPOGRAFIK TUZILISHI. NERVLARINI OG’RIQSIZLANTIRISH.


Dars maqsadi. Talabalarga ko’krak yon devorining anatomo-topografik tuzilishini, o’tkazuvchanlik usulida nervlarni og’riqsizlantirish, V.V. Mosin usulida ko’krakning ichki devor va chegara simpatik nervlarini plevra usti qamali texnikasini o’rganishadi.