O’zbekiston respublikasi veterinariya va chorvachilikni rivojlantirish qo’mitasi samarqand veterinariya meditsinasi instituti veteriariya jarrohligi kafedrasi operativ xirurgiya va anesteziologiya fanidan

Jarroxlik qo’lqoplarini ishlatish
Yuqorida keltirilgan usullarni qo’llash jarroxlik Operatsiyasini aseptik holatida o’tishiga birontasi to’liq kafillik berolmaydi. Aseptika sifatini ko’tarish uchun rezinadan yasalgan yupqa xirurgik qo’lqopni albatta ishlatish zarur.
Qo’lqoplar qaynatish usuli bilan sterilizasiya qilinadi.
Qo’lqoplarning dezinfeksiyasi uchun 2 % xloramin eritmasi (15 daqiqa), 1:500 sulema eritmasi (30 daqiqa) 1:1000 bakterisid eritmasi (15 daqiqa) 2 % xlorasid eritmasi (15 daqiqa) qo’llaniladi. Qo’lqoplarni ishlatishdan oldin uning butunligini tekshirish kerak. Qo’lqopni qo’lga kiyishdan oldin yuqorida keltirilgan usullardan birortasini ishlatib, qo’lni tozalash albatta zarur, chunki Operatsiya vaqtida tasodifan qo’lqopning butunligini jarroxlik asbobi yoki boshqa narsa yirtib, u yerda to’plangan “qo’lqop suyuqligi” (teri bezlaridan ajralib chiqqan ter, yog’ ularning tarkibida ko’p miqdorda turli mikroorganizmlar bo’ladi) Operatsiya loirasiga tushib ifloslantirishi mumkin. Mabodo Operatsiya vaqtida qo’lqopning butunligi buzilsa, tezlik bilan uni boshqa butuniga almashtirish shart.
Mashg’ulot №5
OPERATSIYA MAYDONCHASI VA HAYVONLARNI OPERATSIYAGA TAYYORLASH.

Darsning maqsadi: Talabalarga Operatsiya maydonchasini tayyorlashning ahamiyati, uning bosqichlari va texnikasini o’rgatish.

Jihozlar va asbob-uskunalar. Qaychi, ustara, dipilyatoriy, iliq suv, sovun, kimyoviy eritmalar, laborator, sog’lom va kasal hayvonlar.
Darsni o’tilish uslubi. Dars Operatsiya maydonchasi va hayvonlarni Operatsiyaga tayyorlashga bag’ishlanadi. O’qituvchi talabalarga Operatsiya maydonchasini tayyorlashning ahamiyatini, tayyorlash bosqichlari, tuk va junlarni olish, mexanik tozalash va yog’sizlantirish, kimyoviy dezinfeksiya va qotirish, Operatsiya maydonchasini chegaralash to’g’risida qisqacha ma’lumot berib, hayvonda namoyish etadi. Shundan so’ng hayvonni Operatsiyaga tayyorlashning ahamiyati va nimalarga e’tibor berish lozimligi to’g’risida tushuntirish beriladi.
Darsda talabalar hayvonlarda Operatsiya maydonchasini tayyorlashni biror-bir usullaridan foydalanib, uni bajaradilar. Shu bilan birga hayvonni umumiy klinik ko’rsatkiyalari – nafas olish, puls (yurak urishi) va haroratini aniqlaydilar va hayotiy muhim organ va sistemalarning ish faoliyatini tekshiradilar.