O’zbekiston respublikasi veterinariya va chorvachilikni rivojlantirish qo’mitasi samarqand veterinariya meditsinasi instituti veteriariya jarrohligi kafedrasi operativ xirurgiya va anesteziologiya fanidan

Asboblarni dezinfeksiyalash usuli
Ko’pincha dala sharoitida va boshqa paytlarda jarroxlik asboblarini qaynatish yo’li bilan sterilizasiya qilish ba’zi sabablarga ko’ra amalga oshirish mumkin bo’lmay qoladi, ana shunda Operatsiyaga kerak bo’ladigan asboblarni dezinfeksiyalash lozim. Bu ishni bajarish uchun ularni 2 soat mobaynida toza spirt, 40 daqiqa 1:500 rivanol eritmasiga, Karetnikovning uchlik eritmasiga (uning tarkibiga 3,0 karbol kislotasi, 20,0 formalin, 15,0 tozalangan natriy bikarbonat, 1000,0 suv kiradi) solib qo’yish kerak. Bu eritmada jarroxlik asboblarini 30 daqiqadan kam bo’lmagan muddatda saqlash kerak. Shuning yuilan birga Karetnikov eritmasida jarroxlik asbobi, shpris, ignalarni toza holatda saqlash mumkin.


Mashg’ulot № 3
BOG’LOV TIKUV MATERIALLARI VA OQLIKLARNI STERILIZASIYA QILISH
Darsning maqsadi: Talabalarni bog’lov materiallari bilan tanishtirish, ulardan Operatsiya vaqtida foydalanishni, bog’lov va tikuv materiallar turlarini va ularni sterelizasiya qilishni o’rgatish.
Jihozlar va asbob-uskunalar. Kimyoviy eritmalar, bog’lov, tikuv materiallar namunalari, avtoklav, dazmol.
Darsni o’tilish uslubi. Mashg’ulotning birinchi yarmida talabalar bog’lov materiallari bilan tanishtiriladi, ulardan Operatsiya vaqtida foydalanishni, bog’lov va tikuv materiallar turlari o’rgatiladi.
Mashg’ulotning keyingi 2 soati bog’lov, tikuv materiallarni sterilizasiya qilish usullariga bag’ishlanadi. Darsni olib borish jarayonida o’qituvchi talabalarga tikuv jarayonini va sterilizasiya qilish usullarini tushuntiradi. Undan so’ng bog’lov materiallari sterilizasiya qilish usullari: avtoklav yordamida, oqar bug’ va dazmollash bilan tanishtirib ularni bajarishni amalda ko’rsatadi. Darsning ikkinchi yarmida talabalar guruhlarga bo’linib, ularga berilgan usul bilan tikuv materiallarini sterilizasiya qiladilar. Bog’lov materiallardan shakllar tayyorlab, ularni biksga tartib bilan joylashtirib avtoklavda sterilizasiya qiladilar.
Darsning yakunida o’qituvchi talabalarni o’zlashtirish darajasini aniqlash uchun savol-javob o’tkazadi.