O’zbekiston respublikasi veterinariya va chorvachilikni rivojlantirish qo’mitasi samarqand veterinariya meditsinasi instituti veteriariya jarrohligi kafedrasi operativ xirurgiya va anesteziologiya fanidan

Operatsiya joyini chegaralash.
Operatsiya o’tkaziladigan joyni dezinfeksiya qilgandan keyin Operatsiya choyshabi yopiladi. Operasion maydonga (jarohatga) yo’l ochish uchun choyshabning o’rtasi kesilgan bo’ladi. Operatsiya choyshabini tana terisiga Bakgauz qisqichi orqali mustahkamlash kerak.
Hayvonni Operatsiyaga tayyorlash katta ahamiyatga ega, chunki har bir Operatsiya hayvon hayotini xavf-xatarga qo’yish bilan bog’liq. Hayvon 12-24 soat och yoki yarim och parxezda saqlanadi. Uning hayotiy muhim organ va sistemalari (buyrak, qon tomir, nafas olish, markaziy nerv sistemasi, siydik ayirish sistemasi, jigar)ning ish faoliyati tekshirilib ko’riladi. Agarda biror-bir o’zgarish sezilsa, hayvon avval davolanib, sog’ayganidan keyin Operatsiya qilinadi.


Mashg’ulot № 6
INYEKSIYA, INFUZIYA VA QON CHIQARISH TEXNIKASI
Darsning maqsadi: Talabalarga inyeksiya, infuziya va qon chiqarish texnikasini o’rgatish.
Jihozlar va asbob-uskunalar. Qaychi, ustara, dipilyatoriy, iliq suv, sovun, kimyoviy eritmalar, har xil hajmdagi shprislar va ignalar. Bobrov apparati, Jane shprisi, eritma quyish sistemalari, laborator, sog’lom va kasal hayvonlar.
Darsni o’tilish uslubi. Darsda talabalar hayvonlarda Operatsiya maydonchasini tayyorlagandan so’ng o’qituvchi talabalarga inyeksiya, infuziya va qon chiqarishning ahamiyati to’g’risida ma’lumot beradi. Inyeksiya turlari, ularni teri ichiga, teri ostiga, muskul orasiga, qon tomiriga, suyakka bajarilish texnikasini hayvonlarda namoyish etadi.
Infuziya yo’llari: qon tomirga, qorin bo’shlig’iga, bo’g’imga amalga oshiriladi. Buning uchun qo’llaniladigan asbob va apparatlarni ishlash prinsiplari to’g’risida ma’lumot beriladi va hayvonda namoyish etiladi.
Qon chiqarish katta qon tomirdan: bo’yinturuq vena, bilakning teri osti venasi, qorinning teri osti venasidan amalga oshiriladi. Buning uchun maxsus ignalardan foydalanish mumkin. Qon chiqarish texnikasi hayvonlarda namoyish etiladi.