O‘zbekiston respublikasi vazirlar mahkamasi huzuridagi din ishlari bo‘yicha qo‘mita

8. Oy va kun nomlari asosida hosil qilingan ismlar: Rajab, Ramazon. Bulardan ayrimlariga ism hosil qiluvchi indikatorlar qo‘shilishi kuzatiladi. Masalan: Rajabboy, Ramazonbek, Ro‘zixon, Robiyaxon.
O‘zbeklarda Robiya ismi bilan hosil qilingan quyidagi nomlar ham mavjud: Robiyagul, Robiyabonu, Robiyamo. Bu ism oiladagi to‘rtinchi bola yoki hijriy oy hisobining to‘rtinchi kunida tug‘ilgan qiz bolalarga qo‘yiladi. ..⁴⁶. 
Iste’dodli adib va jurnalist Rajabboy Raupov Buxoro viloyatining SHofirkon tumanida tug‘ilgan. (Darakchi)
9. YOrug‘lik, nur bildiruvchi nomlar asosida hosil qilingan ismlar: Anvar, Nurbek, Munavvar, Ziyouddin
Dadasining – “Anvar akan ham kelib qolar, taoming asrga tayyor bo‘lsin!” jumlasi Ra’noga yana ochiq, yana ravshan ta’minot berar edi. (A. Qodiriy. “Mehrobdan chayon”)
Otasi Mavlono Ziyovuddin Oriy esa Hirot faqilari e’zozlaydigan bir kishi edi. (R. Haydarova. “Javzo”)
10. Tabiat hodisalarini bildiruvchi nomlar asosida hosil qilingan ismlar: Bo‘ronboy, Chaqmoqboy
Bo‘ronboy g‘ilofning bog‘ichini echib, dutorni oldi, torlarini cherta-cherta, uzoq sozladi. (O. Husanov. “Qo‘shiqchining taqdiri”)
Amir CHaqmoq Boysungurning qizi Fotima Sultonga uylangan va_er-xotin YAzd shahrida yashab, bir ko‘p binolar qurdirishgan. (Aka Ismoil Buyuk Temur davlati)⁴⁷
11. Kasb-hunar, mashg‘ulot nomlari asosida hosil qilingan ismlar. Bulardan ayrimlariga ism hosil qiluvchi indikatorlar qo‘shilishi kuzatiladi. Masalan: Dehqonboy, Ovchiboy.
Misollar:
Dehqonboy qarasa ro‘zg‘orda hemiri ham qolmabdi. Hali Toshkentga ketadigan bo‘lsa, bolasining qo‘liga uch-to‘rt so‘m tutqazishi kerak. (S.Inoyatov. “Dehqonboyning tanishi”)
Muhammad Musoboy o‘glini matruka erig‘a muttasil, janub tarafi ba’zan mazkur Ishoq matruki erig‘a muttasil va ba’zan Ovchiboy Qalandarbek o‘g‘lini erig‘a muttasil. (M.Madg‘oziev, R.Fayzullaev, N.Abdulahatov “Rojiy Marg‘inoniy”)⁴⁸