O‘zbekiston respublikasi vazirlar mahkamasi huzuridagi din ishlari bo‘yicha qo‘mita

2. Qushlar nomi asosida hosil qilingan ismlar: Qumri, Lochin, To‘ti, Qaldirg‘och. Ulardan ayrimlariga ism hosil qiluvchi indikatorlar, ya’ni ko‘rsatkichlar qo‘shilishi kuzatiladi. Masalan: To‘ti, Turg‘unoy, Turnaoy.
3. O‘simliklar, meva, sabzavot nomlari asosida hosil qilingan ismlar: Rayxon, Zanjabila, Olma, Gul Ulardan ayrimlariga ism hosil qiluvchi indikatorlar qo‘shilishi kuzatiladi. Masalan: Jambiloy, Rayhonoy, Hayitgul, Gulirano.
Misol: Rayhonoy, buni hech kimga ayta ko‘rma! – Kampir uning yoniga kelib o‘tirdi. – Og‘ziga kuchi etmaganlarga bahona yo‘q! (E. Turon “O‘lmas qoyalar”)
5. Gidronimlar (suv havzalari, dengiz, ko‘l, daryo nomlari) asosida hosil qilingan ismlar: Sirdaryo, Ulardan ayrimlariga ism hosil qiluvchi indikatorlar, ya’ni ko‘rsatkichlar qo‘shilishi kuzatiladi. Masalan: To‘lqin – ma’nosi hayotda yayrab, yashnab, dengiz to‘lqinidek jo‘shqin bo‘lib, to‘lib toshib yursin degan ma’noda. Shakllari: To‘lqinbek, To‘lqinxo‘ja, To‘lqinboy, To‘lqinjon, To‘lqinxon. Ko‘lboy - ma’nosi: Ko‘l yoki daryo yoqasida tug‘ilgan bola yoki umri ko‘ldek serob bo‘lsin, yohud ko‘l - yuksak ulug‘vor. SHakllari: Ko‘lbek, Ko‘ltoy, Ko‘lmirza⁴⁵
6. Kosmonimlar (samoviy jismlar) nomlari asosida hosil qilingan ismlar: Kuntug‘mish, Oyto‘ldi, Oftob, Surayyo, Suhayl, Qamar
Podshoning mirg‘azab, jallodlari somonxonaga kirib, Kuntug‘mish bilan Xolbekaning ikki qo‘lini bog‘lab, siynasini dog‘lab, oldiga solib haydab, boshiga qamchi yog‘dirib urib borayotir. (“Kuntug‘mish” O‘zbek xalq dostoni)
Ulardan ayrimlariga ism hosil qiluvchi indikatorlar qo‘shilishi kuzatiladi. Masalan: Oftoboy, Oyxon.
Oftoboy yalinib-yolvorib Rustamni o‘z ahdidan qaytarishga urinadi, biroq dovyurak Rustam: “Mard so‘zidan, yo‘lbars izidan burilmaydi” degan gap bor, ajdahor domiga tortadi, meni yutadi deb vahm qilmayman, qayishmay ajdahorning yo‘lini aytgin”, – deydi. (“Rustam” dostoni)
7. Fasl nomlari asosida hosil qilingan ismlar: Bahor, Robiya, Navbahor, Ulardan ayrimlariga ism hosil qiluvchi indikatorlar qo‘shilishi kuzatiladi. Masalan: Bahoroy, Oyxon, Ko‘klamoy, Bahora,
Sotiboldi biroz tirjayib yotib, keyin xushnud holda o‘rnidan turdi-da, oshxonaga yo‘l oldi. Xotini Bahora kechki ovqat tayyorlash bilan ovora edi. (A.Namozov “Mehmonlar diviziyasi yohud bir kecha ming kecha emas”)