|
Ibragimov Erkin Ismailovich, Gazinazarova Siddiqa, Yuldashev Orunbay Rakhmanberdievich.
«Special course of labour safety». – Tashkent, 2014. - 535 pages. (textbooks for higher education institutions).
The given textbook is composed on the basis of syllabus on «Special course of labour safety». Follouting topics are covered: issues of theoretical basics of special course of labour safety; legal and normative basics of labour safety; organizational questions of labour safety; electrical issues on industrial objects; general issues of safety precautions on industrial objects; safety requirements at operation of devices and the equipment working with the high voltage and pressure; safety requirements at cargo handling and transport works.
The textbook is intended for students of spesialty «Safety of live activity». The textbook can be used by students of similar specialities and pupils of professional colleges and licea.
The Tashkent institute of irrigation and melioration, 2014.
The Tashkent State technical university, 2014.
“Хavfsizlik, barqarorlik va sobitqadamlik, har bir xalqning
tinchligi, farovonligi, ravnaqi uchun mustahkam poydevor yaratadi”.
Islom Karimov.
KIRISH
Mamlakatning har bir fuqarosi o‘zi yashab turgan jamiyatni shakllantirishdagi, rivojlantirishdagi, ishlab chiqarishda ishlashdagi va uni boshqarishdagi asosiy kuch hisoblanadi. Demak, har bir davlatning asosiy boyligi uning fuqarolaridir, shu jumladan aholining katta qismini tashkil qiluvchi yoshlardir. Shu sababli fuqarolarning mehnat xavfsizligini ta’minlash va sog‘lig‘ini saqlash jamiyat ijtimoiy taraqqiyoti yo‘lidagi muhim omil hisoblanadi.
Fuqarolar hayoti va mehnati xavfsizligini ta’minlash muammosi har bir jamiyat uchun dolzarb masala bo‘lib, u davlatning iqtisodiy rivojlanganligiga va barqarorligiga, kuchli ilmiy–texnik va intellektual imkoniyatlarga ega ekanligiga bog‘liq. Davlat uchun kuchli ilmiy–texnik va intellektual imkoniyatlar zaxirasi esa
yoshlardir, ularning olgan ta’lim va tarbiyasi, o‘z mutaxassisliklari bo‘yicha egallagan bilimi va uquvi darajasidir. Bu to‘g‘rida hurmatli Prezidentimiz I.A. Karimov shunday so‘zlarni aytgan edilar – “Hammamizga teran bir haqiqat ayon bo‘lishi kerak – biz yurtimizning ertangi rivoji yo‘lida qanday chuqur o‘ylangan dasturlarni tuzmaylik, bu rejalarni bajarish uchun qanday moddiy baza va imkoniyatlarni yaratmaylik, buning uchun qanday ko‘p sarmoya safarbar etmaylik, ularning barchasini amalga oshiradigan, ro‘yobga chiqaradigan qudratli bir omil borki, u ham bo‘lsa, yuqori malakali ishchi kuchi va yurtimizning ertangi kuni, taraqqiyoti uchun mas’uliyatni o‘z zimmasiga olishga qodir bo‘lgan yetuk mutaxassis yoshlarimiz, desak, o‘ylaymanki, hech xato bo‘lmaydi”.
Demak, mamlakatimizni zamonaviy bilimlarga ega bo‘lgan, kundalik hayotimizdagi va ishlab chiqarishdagi amaliy muammolarni hal etishga qodir bo‘lgan mutaxassislar bilan ta’minlash taraqqiyotimiz va islohotlarimiz muvaffaqiyatini ta’minlovchi muhim omillardan sanaladi. Shu sababli, davlatimiz mustaqillikka erishgan dastlabki yillardanoq ta’lim va tarbiya tizimiga katta e’tibor
berildi va u tubdan isloh qilindi. Mustaqil davlatimiz tomonidan “Тa’lim to‘g‘risida”gi qonun va “Kadrlar tayyorlash milliy dasturi” qabul qilindi. Bu qonun va dasturda ta’limning uzluksizligiga katta ahamiyat berildi, rivojlangan demokratik davlatlar darajasida yuksak ma’naviy, madaniy va axloqiy talablarga javob beradigan vatanparvar, yuqori malakali, raqobatbardosh mutaxassislarni tayyorlash masalasi qo‘yildi.
Kadrlar tayyorlash milliy dasturida, yoshlarni chuqur bilimlarga va yuksak ma’naviy-axloqiy fazilatlarga ega shaxslar qilib tarbiyalash vazifasini amalga oshirishdagi, asosiy omillardan bittasi sifatida zamonaviy ta’lim berish talablariga javob beradigan o‘quv adabiyotlari tizimining yaratilishi dolzarb masala ekanligi ko‘rsatib o‘tilgan.
Yuqorida keltirilgan dolzarb masalani yechishga o‘zlarining ma’lum bir hissalarini qo‘shish maqsadida mualliflar tomonidan “Mehnat muhofazasi maxsus kursi” fani bo‘yicha ushbu darslik amaldagi namunaviy dasturga asosan tayyorlandi.
Mualliflar darslikni tayyorlashda va uning mazmunini boyitishda o‘zlarining qimmatli maslahatlarini bergan “O‘zbekiston havo yo‘llari” DAK MMK bo‘lim boshlig‘i Sh.M.Sapayevga, hamda ТIMI dotsentlari I. Ahmedov va M. Хojiyevga o‘z minnatdorchiliklarini bildiradilar.
O‘zbek va rus tillarida bunday nom va tarkibdagi darslik mavjud bo‘lmaganligi sababli mazkur darslikni chop etish Oliy o‘quv yurtlarining “Hayot faoliyati xavfsizligi” yo‘nalishi talabalari uchun dolzarbdir.
Kitobxonlardan darslikning sifatini yanada yaxshilash bo‘yicha fikr va mulohazalarini, takliflarini Тoshkent sh., 100000, Qori-Niyoziy ko‘chasi 39-uyga yuborishlarini iltimos qilamiz. Mualliflar beriladigan qimmatli maslahatlari uchun olimlar va mutaxassislarga oldindan o‘z minnatdorchiliklarini izhor etadilar.
Do'stlaringiz bilan baham: |
