O‘zbekisтon respublikasi

Ishlab chiqarish korxonasi hududi

Ishlab chiqarish korxonasi hududi nafaqat ishlab chiqarish talablariga, balki sanitariya-gigiyena me’yorlariga ham, javob berishi kerak. U tekis, yaxshi

yoritilgan, yetarli miqdordagi o‘tish yo‘llari va yo‘laklari, shuningdek, har xil chuqurlar, texnik maqsadlarda qoldirilgan xandaqlar, hovuzlar mustahkam qopqoqlar bilan ta’minlangan va muhofaza vositalari bilan o‘rab qo‘yilgan bo‘lishi kerak. Agar muhofaza qopqoqlari bilan berkitish imkoniyati bo‘lmasa, ular baland to‘siqlar bilan to‘sib qo‘yiladi.
Тransport vositalari harakatlanadigan va odamlar yuradigan yo‘llar, albatta, transport vositalari va odamlarning bemalol o‘tishi va yurishini ta’minlashi, qarama-qarshi tomonga harakat bo‘lishi mumkinligini hisobga olishi, odamlarning yurishi va o‘tish soniga qarab yetarlicha keng bo‘lishi, transport vositalarining serqatnovligi belgilanishi, ulardagi yuklar bemalol olib o‘tiladigan bo‘lishi kerak.
Yo‘llar asosan mustahkam qatlam bilan qoplangan bo‘lishi kerak. Odamlar o‘tadigan yo‘llar to‘xtovsiz harakatlanish mavjud bo‘lgan temir yo‘llar bilan to‘qnash kelsa, unda temir yo‘l ustiga maxsus ko‘priklar yoki yer osti yo‘llarini qurish tavsiya etiladi.
Ishlab chiqarish korxonasi hududida joylashtiriladigan binolar ishlab chiqariladigan mahsulot turlari bilan uzviy bog‘langan bo‘ladi. Katta hajmdagi mahsulot ishlab chiqariladigan ishlab chiqarish korxonalari binosida pirovard mahsulot iloji boricha jo‘natish oson bo‘lgan yerda shakllanishi va yig‘ilishi rejalashtiriladi [31, 33, 34].
Agar ishlab chiqarish korxonasida katta miqdorda chang, zaharli moddalar chiqadigan bo‘limlar bo‘lsa, ularni iloji boricha chekkaroqqa, shamol yo‘nalishida joylashtiriladi (5.3 – rasm).
Ba’zi bir shovqinli sexlarni ham boshqa ishlab chiqarish binolaridan uzoqroqqa joylashtiriladi. Hosil bo‘lgan oraliqlarga har xil daraxtlar va gullar ekib obodonlashtirish, ishchilar tanaffus vaqtlarida dam oladigan, hordiq chiqaradigan joylar tashkil qilish tavsiya etiladi.
Ishlab chiqarish korxonasi hududida joylashgan har qanday ishlab chiqarish binolari va yordamchi binolar, albatta, kanalizatsiya bilan ta’minlanishi kerak. Тo‘plangan va ifloslangan chiqindi suvlarni kanalizatsiya orqali mavjud suv havzalariga tashlab yuborish mutlaqo taqiqlanadi. Bunday chiqindi suvlar, maxsus
hovuzlarda yig‘ilishi, mavjud texnik va biologik vositalar bilan tozalanishi, hamda boshqa texnik zaruratlar uchun ishlatilishini hisobga olib, sanoat korxonasiga qaytarilishi kerak.

3. 
   – rasm. Korxona ishlab chiqarish binolarini mehnat muhofazasi talablarini hisobga olgan holda joylashtirish.
   

Ishlab chiqarish korxonasini suv bilan ta’minlashda va tozalangan kanalizatsiya suvlarini ishlatishda suv sifatini belgilovchi me’yoriy hujjatlarga amal qilinadi. Agar tozalangan kanalizatsiya suvlari ochiq suv manbalariga tashlab yuboriladigan bo‘lsa, ularning sifati sanitariya me’yor va qoidalari talablariga to‘liq javob berishi kerak.

4.