O‟zbekiston respublikasi

Burunning pastki chig’anog’i - bir juft suyak bo‘lib, yupqa buqilgan plastinkadan iborat. Burunning pastki chig‘anog‘ida ikkita chekkasi farqlanadi. Uning yuqori chekkasi yuqori jag‘ning burun yuzasidagi chig‘anoq qirrasiga birikadi. Suyakning medial bo‘rtib turgan yuzasi burun bo‘shligiga turtib kirib, burunning o‘rta yo‘lini pastki yo‘lidan ajratib turadi.
Ko’z yoshi suyagi - bir juft bo‘lib, ko‘z kosasining medial devorini hosil qilishda qatnashadi. Har bitta ko‘z yoshi suyagi murt, turtqirrali plastinka bo‘lib, olddan va pastdan yuqori jag‘ning peshona o‘simtasi bilan, yuqoridan – peshona suyakni ko‘z qismi bilan, orqadan esa g‘alvirsimon suyakning ko‘z plastinkasi bilan tutashadi. Ko‘z yoshi egati yuqori jag‘ning shu nomli egati bilan qo‘shilib ko‘z yoshi xaltasining chuqurchasini hosil qiladi.
Dimog suyagi – toq suyak bo‘lib, burun to‘sig‘ini yarmidan ziyod qismini hosil qiladi. Suyakning oldingi chekkasi g‘alvir suyakning perpendikulyar plastinkasi bilan tutashadi. Orqa chekkasi bo‘sh bo‘lib, burun bo‘shligining orqa qismida joylashgan teshiklar – xoanlarni bir-biridan ajratadi.
Yonoq suyagi - yuz suyaklari orasida eng qattig‘i bo‘lib, yuzni relefini shakllantirishda ishtirok etadi. Bu suyak bilan uchta suyaklarning - peshona, chakka va yuqori jag‘ning yonoq o‘siqlari birikadi. Suyakda uchta sath farqlanadi: bo‘rtib chiqqan lateral, botiq chakka va ko‘z kosa yuzalari tafovut qilinadi. Yonoq suyagining yonoq o‘sig‘i chakka suyagining yonoq o‘simtasi bilan birikib, yonoq yoyini hosil qiladi. Yonok suyagi chaynov muskullari uchun birikish sathi bo‘lib xizmat qiladi.
Pastki jag’ suyagi - kalla suyaklari ichida faqat bu suyak harakatchang bo‘lib, takasimon shaklga ega. Tuban primatlardan tortib ko‘pchilik hayvon turlarida bu suyak juft sonda saqlanib
qolgan. Faqat odamda toq sonda bo‘lib, uzoq evolyutsiya jarayonida uni xajmi kichiklashib ketgan. Pastki jag‘da tana va ikkita shoxlari bor. Tana bilan shoxlari orasida 110⁰-130⁰ teng burchak hosil bo‘ladi. Burchagning tashqi yuzasiga chaynov muskuli birikkan, ichki yuzasida esa medial qanotsimon muskul yopishadigan g‘adir-budirlik aniqlanadi. bor. Pastki jag‘ning asosi yo‘g‘onlashgan bo‘lib, kok o‘rtasida fakt odamlarga hos iyak do‘mbog‘i joylashgan. 1-2 kichik jag‘ tishlarining ostida iyak teshigi ko‘rinib turadi. Bu teshikdan qon tomirlari va nervlar o‘tadi.