O‘zbеkiston rеspublikasi oliy va o‘rta maxsus ta’lim vazirligi

УЎК: 621.313.01(075.8) 
КБК 31.15(5Ў)
 
Академик Қ.Р.Аллаевнинг умумий таҳрири остида
 
Тақризчилар: 
Т.С. Камалов – 
тexникa фанлари доктори, профессор;
М.М. Мухаммадиев – 
тexникa фанлари доктори, профессор.
Монография Ислом Каримов номидаги Тошкент давлат техника унверситети 
Кенгашининг 2019 йил 13 ноябрдаги қарорига асосан чоп этилди. 
 
ISBN 978–9943–6281–0–6 
© «Fan va texnologiya» нашриѐти, 2019. 

---

3 
СЎЗБОШИ 
Муқобил (альтернатив, ноанъанавий) энергия манбалари 
дейилганда, жаҳон энергетикасида қўлланилаѐтган энергиянинг 
абсолют кўп қисми (85%)ни ишлаб чиқараѐтган ва анъанавий 
тусга кириб қолган энергия манбалари – иссиқлик ва атом 
электр станциялари ўрнини эгаллай оладиган қайта тиклана-
диган энергия манбалари назарда тутилади. Қайта тикланувчи 
энергия (регенерацияланувчи энергия, ѐки «Яшил энергия») 
шундай манбанинг энергияси ҳисобланадики, у инсоният 
тасаввурида битмас - тугалланмас бойлик ҳисобланиб, ундан 
баҳраманд бўлишнинг асосий принципи – атроф-муҳитда 
доимий давом этувчи жараѐндан - техникада фойдаланиш учун 
оз-оздан олиб туришдир. Қайта тикланувчи энергия (ҚТЭ) ни 
табиий жараѐнлар натижасида доимий қайта тикланиб 
турадиган табиат ресурсларидан - шамол, дарѐ сувининг оқими, 
қуѐш нури, денгиз сатҳининг ўзгариб туриши ва геотермал 
иссиқликдан олинади. 
Яқин ўтмишгача (2001 йил) бутун дунѐда саноат миқѐсида 
энергиядан фойдаланишнинг 86,41% ни қазиб олинган органик 
ѐқилғини ѐқиш ва атом энергия эвазига эришилган бўлиб, 
қолган қисми ѐнувчи қайти тикланадиган энергия (ўтин) 
манбалари (10,76%), ГЭС (2,31%), геотермал (0,43%), шамол 
(0,05%) ва қуѐш энергетикаси (0,04%) ҳиссаларига тўғри келган 
[1] бўлса, 2006 йилга келиб, дунѐда фойдаланилган энергиянинг 
18% ини ҚТЭ манбалари ҳисобига олинди [12], (унинг 13% ини 
биомасса - «ўтин» ташкил этди), 2015 йилда бу кўрсаткич 19,3 
% га етди (биомасса ҳиссаси ҳар йили қисқариб бормоқда, 
шамол ва қуѐш энергиясидан фойдаланиш кескин ортиб 
бормоқда). Европа иттифоқида ҚТЭ манбалари ишлаб чиқарган 
энергия 2004-2013 йилларда 14% дан 25% га ортди. Шамол ва 
қуѐш энергияларидан фойдаланиш АҚШ энергетика вазирлиги 
маълумотига кўра бу мамлакатда 2020 йилга келиб 22% га 
етиши кутилмоқда. 

---

4 
Ушбу монографияда амалдаги электр тармоғига электр 
энергия узатиб ишлайдиган (автоном бўлмаган) станциялар 
кўрилиши сабабли, биомассани ѐқиб ишловчи ҳамда Ўзбекис-
тон табиатида денгиз ва геотермал манбалар бўлмаганлиги 
учун бундай энергия манбалари билан ишлайдиган станциялар 
келтирилмаган. 
«Қайта тикланувчи энергия манбалари. Ўзбекистон 
шароитида ишлаб чиқариш ва ишлатиш» китоби шамол, кичик 
(мини- ва микро-) гидравлик электр станциялар ва қуѐш электр 
станцияларининг тадқиқоти билан машғул бўлган ҳамда уларни 
лойиҳалаш, ишлаб чиқариш, монтаж ва эксплуатация қилиш 
билан шуғулланувчи мутахассислар ва талабалар учун мўлжал-
ланган. 
Ушбу монография ўзбек тилида шамол, кичик ГЭС ва қуѐш 
электр станцияларнинг тузилиши ва ишлашини ѐритувчи илк 
ҳаракат бўлганлига сабабли, айрим камчиликлардан ҳоли эмас. 
Шу боис, муаллифлар ҳурматли ўқувчининг танқидий мулоҳа-
залари учун аввалдан миннатдорчилик билдирадилар. 

---

5