O`zbekiston respublikasi oliy va o`rta maxsus ta`lim vazirligi toshkent davlat texnika universiteti “Geologiya qidiruv” fаkultеti “Nеft va gazni qayta ishlash ob’ektlari” kаfеdrаsi «korroziyadan himoya qilish»

9.1-расм. Темирнинг таркибида 0,01% (ҳажм) SO2 бўлган ҳаводаги коррозозияланиши. Сақланиш муддати 55 кун.
жараёнининг қийин кечишига сабаб коррозия маҳсулотларидан ҳосил бўлган экран металл сиртини ҳимоялайди. Намлик плёнкаси жуда юпқа бўлганлиги сабабли унинг қаршилиги кичик бўлиб, жараён анод тормозланиши билан назорат қилинади (9.2-расм, а). Нам коррозия соҳасида фазавий плёнкалар ҳосил бўлганда кислород етказилиши қийинлашиб, жараённинг катод тормозланиши кузатилади (9.2-расм, б). Темир ва пўлат одатдаги шароитда умумий текис коррозияга учрайди.	9.2-расм. Коррозия диаграммалари. а – намли коррозия (∆Eа > ∆Eк); б – ҳўл коррозия (∆Eа <∆Eк)

Атмосфера коррозиясининг кечиш характери буюмнинг конструктив хусусиятларига жуда ҳам боғлиқ. Буюмда капилляр конденсация ва намлик тўпланиб қоладиган кичик тирқишлар, дарзлар ва ёриқларнинг бўлиши атмосфера коррозиясини кучайтиради ҳамда коррозион яраларнинг ҳосил бўлишига олиб келади (9.3-расм).

9.3-расм. Буюм конструктив хусусиятлари нинг каплляр конденсация марказларига марказ-ларига таъсири ва атмосфера корро-зиясининг кучайиши. а – детал конструкциясидаги ёриқ ва тирқишлар; b – ҳимоя қопламасидаги ёки оксид плёнкасидаги ковакликлар; с – резбали ва винтли бирикма-лардаги кичик бўшлиқлар;

Атмосферанинг газлар, агрессив моддалар ва чанг билан ифлосланиши ҳам коррозияни тезлаштиради. Бундай ҳодисалар саноат марказларида, айниқса ҳаво таркибида SO₂, NH₃, H₂S, C1₂, HC1 бирикмалар бўлганда яққол кузатилади. Кичик концентациядаги SO₂ нинг бўлиши ҳам коррозиянинг кучайишига сабаб бўлади. Атмосфера таркибида 15-35мкг/м³ миқдорда SO₂ нинг бўлиши коррозия тезлигини ўнлаб, ҳатто юзлаб маротаба кучайтиради.
Металларнинг атмосфера коррозиясига чидамлилиги уларнинг кимёвий табиатига ва сиртининг ҳолатига боғлиқ. 9.1-жадвалда баъзи металларнинг шаҳар атмосферасидаги коррозион чидамлилиги тўғрисида тахминий маълумотлар келтирилган.
9.1-жадвал
Металларнинг шаҳар атмосферасидаги коррозион чидамлилиги

Металл	Pb	Al	Sn	Cu	Ni	Zn	Fe
Коррозия тезлиги, мкм/йил	4	8	12	12	32	50	200

Атмосфера коррозиясидан ҳимоялаш учун турли хилдаги органик, ноорганик ва металл қопламалардан фойдаланилади. Кам миқдордаги мис, никел, фосфор ва хрома билан металларни легирлаш ҳам самарали усул ҳисобланади.