O`zbekiston respublikasi oliy va o`rta maxsus ta`lim vazirligi toshkent davlat texnika universiteti “Geologiya qidiruv” fаkultеti “Nеft va gazni qayta ishlash ob’ektlari” kаfеdrаsi «korroziyadan himoya qilish»

Лаборатория синовларининг ишончлилиги эксплуатация шароитлари-ни реал моделлаштиришнинг адекватлиги ва коррозион бардошлилик мезонларининг тўғри танланиши билан белгиланади. Синов вақтининг жуда қисқалиги (соат, экспресс усуллар учун – минутлар), эҳтимолли баҳолаш учун синовларни кўп марта такрорлаш, синаш шароитларини қатъиян назорат қилиш мумкинлиги тезкор лаборатория синовлари усулининг устунлиги ҳисобланади.
Коррозия жараёнларини моделлаштиришда қуйида келтириладиган тамойилларга амал қилиш лозим:

• 
  коррозия жараёнларининг жадаллашуви унинг механизмини ўзгартириш ҳисобига бўлмаслиги керак;
  
• 
  синов ўтказиладиган шароитларни моделлаштиришда реал коррозион муҳит такибининг ўзига хос томонларини ҳисобга олиш зарур;
  
• 
  коррозия жараёнини янада самарали тезлаштириш учун асосий назорат қилувчи факторни аниқлаб, сўнгра айнан унга таъсир қилиш лозим;
  
• 
  синов усуллари синаладиган материал кимёвий таркибининг ўзига хос томонларини ҳисобга олиб ишлаб чиқилиши лозим;
  
• 
  коррозияга бардошлилик мезонлари тўғри танланиши керак;
  

8.4. Материалларни коррозиянинг локал кўринишларига қарши чидамлиликка синаш.
Материалларни коррозиянинг локал кўринишларига синаш учун икки асосий тадқиқот усуллар гуруҳи мавжуд – кимёвий ва электрокимёвий. Металл сиртини ўрганишда одатда кимёвий ва электрокимёвий усуллар билан биргаликда қўлланиладиган физикавий тадқиқот усулларни алоҳида қўшимча гуруҳга ажратиш мумкин.
Кимёвий тадқиқот усуллари анион активаторлари ва оксидланиш-қайтарилиш потенциалига эга бўлган муҳит билан синаладиган материал ўртасидаги контактни ҳосил қилиш ва маълум вақт давомида ушлаб туриш мақсадида қўлланилади. Бундай усуллар оддий, ўтказиш учун махсус жиҳозларни талаб қилмайди ва жуда кўп металларнинг бардошлилигини аниқлаш имконини беради. Маслан, питтинг коррозияга чидамлиликни аниқлаш учун асосий катталик ҳисобланган питтинг коррозиясининг шартли тезлигини гравиметрик усул билан қуйидаги формула орқали аниқлаш етарлидир:
V_пк = _{ } (8.1)
Бу ерда V_пк – питтинг коррозиясининг шартли тезлиги, г/м²∙соат; _{ } – металл массасининг умумий йўқолиши; S – параллел синаладиган намуналарнинг йиғинди юзаси.
Ҳозирги вақтда зангламайдиган пўлатларни питтинг коррозиясига қарши чидамлилигини кимёвий синашлар АҚШ ва Россияда стандартлаштирилган. Ҳар иккала стандартлар ҳам пўлатларни 10% ли FeCl₃·6H₂O эритмасида сақлашга асосланган (Cl^– ионининг бу эритмадаги активлиги унинг денгиз сувидаги активлигига тенг).
Кимёвий синашларнинг яна бир кўриниши турли мақсадларда кенг қўлланиладиган рангли индикаторлар усулидир. Унинг моҳияти шундан иборатки, турли нисбатдаги К₃[Fe(CN)₆] ва K₄[Fe(CN)₆] анион-активаторлари ва оксидловчилари бўлган ҳамда синовчи сув эритмаси шимдирилган ғовак гигроскопик материал металл сиртига маълум вақт ёпиб қўйилади.
Кимёвий синашларнинг навбатдагиси зангламайдигаан пўлат сиртида ҳосил бўлган питтинг коррозияси ўчоғларини сиртга NaCl эритмасининг томчиси томизилгандан сўнг уларни санашга (оптик микроскоп ёрдамида) асосланган.
Ишлаб чиқариладиган коррозияга чидамли пўлатларнинг барчаси учун кристаллараро коррозияга қарши бардошлиликка синов мажбурий ҳисобланади. Бундай синовлар металл намуналарини агрессив муҳитда узоқ вақт қайнатишга асосланган кимёвий усуллар ёрдамида ўтказилади. Штраус ва Гюи усуллари ана шундай усуллардан ҳисобланади.